राणी चन्नम्मा कॉलेज ऑफ फार्मसीमध्ये जनौषधी दिन साजरा

बेळगाव :

वैभवनगरातील राणी चन्नम्मा कॉलेज ऑफ फार्मसीमधील प्रधानमंत्री भारतीय जनैषधी केंद्रामध्ये 8 वा जनौषधी दिन शनिवार दि. 7 रोजी साजरा करण्यात आला. माफक दरात दर्जेदार आरोग्यसेवा प्रदान करणे हा प्रधानमंत्री भारतीय जनौषधी केंद्राचा मुख्य उद्देश आहे.

जनौषधी दिनाच्या निमित्ताने गरजू कामगारांना मोफत औषध किट वाटप करण्यात आले. असंघटित कामगारांना आवश्यक आरोग्य सेवा पुरविण्याबरोबरच जेनेरिक औषधांची माहिती देऊन त्यांचे लाभ समजावून देणे हाही जनौषधी दिन साजरा करण्याचा उद्देश असल्याची माहिती यावेळी देण्यात आली.