जयपूर पिंक पँथर्सचा बेंगळूर बुल्सवर विजय

वृत्तसंस्था/ नोएडा

अर्जुन देशवालने आपल्या एकट्याच्या कामगिरीच्या जोरावर येथे प्रो कब•ाr लीगमध्ये (पीकेएल) जयपूर पिंक पँथर्सला बेंगळूर बुल्सवर 39-32 असा विजय मिळवून दिला. अर्जुनने दोन वेळच्या ‘पीकेएल’ विजेत्यांसाठी 19 गुण मिळवले, तर जयपूर पिंक पँथर्ससाठी दुसऱ्या क्रमांकाचे गुण मिळविणारा खेळाडू लकी शर्मा होता. त्याच्या नावावर सहा गुण जमा झाले.

परदीप नरवालच्या अनुपस्थितीत बेंगळूर बुल्सचा रेडर अजिंक्य पवारने सामन्याच्या सुऊवातीलाच गुण मिळवून आपल्या संघाला महत्त्वाची आघाडी मिळवून दिली. जतीन नंतर सामील होऊन बेंगळूर बुल्सने जयपूर पिंक पँथर्सवर जोरदार वर्चस्व गाजविले. जयपूर पिंक पँथर्सने पूर्वार्ध संपत आला तेव्हा सामन्यात हळूहळू पुनरागमन करण्यास सुरुवात केली.

अर्जुन देशवालने नंतर मोसमातील चौथा ’सुपर 10’ टप्पा गाठताना 19-17  अशी आघाडी मिळवून दिली. पुढे बेंगळूर बुल्सने सामन्यावरील नियंत्रण गमावले. मॅटच्या दुसऱ्या बाजूला जयपूर पिंक पँथर्ससाठी ‘रेड मशिन’ अर्जुनने एकट्याने त्यांच्या संघाला वर्चस्व मिळवून दिले.