आयटी समभागांमुळे शेअरबाजारात अल्पशी तेजी
सेन्सेक्स 158 अंकांनी वधारला : बँक निफ्टीही घसरणीत
वृत्तसंस्था/मुंबई
भारतीय शेअरबाजारात तीन दिवसांच्या पडझडीनंतर गुरुवारी मात्र बाजार काहीसा तेजीसोबत बंद झाला होता. आयटी निर्देशांकाने दमदार तेजीसह बाजाराला मजबूत राखण्यात मदत केली होती. गुरुवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 158 अंकांच्या वाढीसोबत 85265 अंकांवर बंद झाला तर दुसरीकडे राष्ट्रीय शेअरबाजाराचा 50 समभागांचा निफ्टी निर्देशांक 47 अंकांनी वाढत 26033 अंकांवर बंद झाला. सेन्सेक्समधील 30 पैकी 20 समभाग तेजीत होते तर उर्वरीत घसरणीत होते. तर निफ्टीतील 50 पैकी 34 समभाग तेजीमध्ये होते. बँक निफ्टी निर्देशांक 59 अंकांनी घसरुन 59288 च्या स्तरावर बंद झाला. मिडकॅप, स्मॉलकॅप निर्देशांक सपाट स्तरावर बंद झाले. क्षेत्रांच्या निर्देशांकांचा विचार केल्यास पीएसयु बँक, आयटी, फार्मा, रियल्टी, एफएमसीजी, ऑटो या निर्देशांकांनी तेजी राखत बाजाराला आधार देण्याचे महत्त्वपूर्ण काम केले. तर दुसरीकडे एनर्जी, ऑइल अँड गॅस, मेटल, फायनॅन्शीयल्स व कॅपिटल गुडस् यांचे निर्देशांक घसरणीत राहिले होते.
हे समभाग तेजीत
विविध समभागांची कामगिरी पाहता आयटी समभागांनी गुरुवारी चमकदार कामगिरी केलेली दिसून आली. टीसीएस, टेक महिंद्रा, एसबीआय लाइफ, एचडीएफसी लाइफ, बीईएल, ट्रेंट, सिप्ला, जियो फायनॅन्शीयल, लार्सन टुब्रो, अल्ट्राटेक सिमेंट, एशियन पेंटस्, बजाज ऑटो, महिंद्रा आणि महिंद्रा, हिंदुस्थान युनिलिव्हर, जेएसडब्ल्यू स्टील, सनफार्मा, ग्रासिम, आयशर मोटर्स, विप्रो, आयटीसी, अॅक्सिस बँक व भारती एअरटेल यांचे समभाग मजबूतीसोबत बंद झाले.
हे समभाग घसरणीत
दुसरीकडे टाटा स्टील, इटर्नल, टाटा मोटर्स पीव्ही, हिंडाल्को, मारुती सुझुकी, एसबीआय, नेस्ले इंडिया, डॉ. रे•िज लॅब्ज, कोटक महिंद्रा बँक, टायटन, एनटीपीसी, आयसीआयसीआय बँक, इंडिगो यांचे समभाग घसरणीसह बंद झाले.
समभाग वधारलेल्या कंपन्या
- टीसीएस 3228
- टेक महिंद्रा 1561
- इन्फोसिस 1597
- एचसीएल टेक 1654
- बजाज फायनान्स 1026
- भारती एअरटेल 2103
- अॅक्सिस बँक 1280
- सनफार्मा 1818
- भारत इले. 406
- ट्रेन्ट 4215
- आयटीसी 403
- महिंद्रा अॅण्ड महिंद्रा 3671
- हिंदुस्थान युनि 2462
- पॉवरग्रिड कॉर्प 268
- अदानी पोर्ट 1504
- बजाज फिनसर्व्ह 2046
- एशियन पेन्ट्स 2955
- अल्ट्राटेक सिमेंट 11600
- कोलगेट 2137
- एसबीआय लाईफ 1998
- सिप्ला 1521
- ब्रिटानिया 5874
- श्री सिमेंट 26454
- जिओ फायनान्स 302
- बँक ऑफ बडोदा 288
- अपोलो हॉस्पिटल 7186
- जेएसडब्लू स्टील 1150
- आयशर मोटर्स 7098
- एयू स्मॉल फायनान्स 949
समभाग घसरलेल्या कंपन्या
- इटरनल 295
- मारुती सुझुकी 15970
- कोटक महिंद्रा 2135
- टायटन 3800
- आयसीआयसीआय 1386
- स्टेट बँक 948
- एचडीएफसी बँक 997
- टाटा स्टील 166
- लार्सन अॅण्ड टुब्रो 3986
- रिलायन्स इंडस्ट्रीज 1538
- टीएमपीव्ही 356
- एनटीपीसी 322