डॉलर जगातील सर्वात महाग चलन?
डॉलरबाबतचे समज-गैरसमज : सर्वात मजबूत चलन म्हणून कुवेती दिनारचे नाव मुख्यस्थानी
नवी दिल्ली : जगासह भारतामध्ये आजही, बरेच लोक डॉलरला जगातील सर्वात महागडे चलन मानतात. परंतु या डॉलरची स्थिती खरंच काय आहे हे जाणून घेणे आवश्यक आहे. उपलब्ध माहितीनूसार डॉलर हे जगातील सर्वात मजबूत चलन नाही, तर ते टॉप 5 मध्येही समाविष्ट नसल्याचे समोर आले आहे. अमेरिकन डॉलर व्यतिरिक्त, आखाती देशांच्या चलनांचा समावेश आहे. जरी आपण जगातील सर्वात शक्तीशाली चलनांचा विचार केला तरी, डॉलरचे नाव आता चर्चेत असले तरी कुवैती दिनार (केडब्लूडी) चलन आता मुख्य स्थानी आहे. भारतात आपण रुपयाची तुलना डॉलरशी करतो. आज 1 डॉलर = 90.31 रुपये. म्हणजेच, डॉलरच्या तुलनेत रुपया खूपच कमकुवत आहे. एक डॉलर खरेदी करण्यासाठी तुम्हाला 90.31 रुपये द्यावे लागतील. परंतु अनेक चलनांची किंमत डॉलरपेक्षा जास्त आहे. यामध्ये कुवेती दिनार, तसेच ओमान आणि बहरीन सारख्या देशांच्या चलनांचा समावेश आहे.
जगातील सर्वात मजबूत चलन कुवेती
जगातील सर्वात मजबूत चलन कुवेती दिनार आहे. 1 कुवेती दिनारची किंमत अंदाजे 3.26 अमेरिकन डॉलर्स आहे. आंतरराष्ट्रीय परकीय चलन बाजारात हे चलन सर्वात विश्वासार्ह आणि शक्तिशाली चलनांपैकी एक मानले जाते.
जगातील मुख्य पाच चलनांची यादी
- कुवेती दिनार
- बहरीनी दिनार
- ओमानी रियाल
- जॉर्डनियन दिनार
- ब्रिटिश पाउंड
कुवेती दिनार मुख्य स्थानी का?
देशाच्या आर्थिक स्थितीमुळे कुवेतमध्ये जगातील सर्वात मजबूत चलन आहे. या देशाचे सर्वात मोठे उत्पन्न तेलामुळे आहे. ओमान आणि बहरीन देखील त्यांच्या आर्थिक ताकदीमुळे मुख्य चलनांमध्ये आहेत. भू-राजकीय तणाव आणि तेलाच्या किमतींमध्ये सुधारणा झाल्यामुळे ही चलने मजबूत झाली आहेत. डॉलर हे जगातील सर्वाधिक वापरले जाणारे चलन आहे, परंतु मूल्यांकनाच्या बाबतीत, आखाती देशांमध्ये तेल-आधारित अर्थव्यवस्थेमुळे, येथील चलने मजबूत स्थितीत राहिली आहेत. जगात सर्वाधिक वापरला जात असला तरी, जगभरातील सर्वात मजबूत चलनांच्या यादीत अमेरिकन डॉलर आठव्या क्रमांकावर आहे.