‘एसआरएम कॉन्ट्रॅक्टर्स’चा आयपीओ खुला
28 मार्चपर्यंत बोली लावण्याची संधी
वृत्तसंस्था/ मुंबई
बांधकाम आणि विकास यांच्याशी संबंधीत असणारी कंपनी एसआरएम कॉन्ट्रॅक्टर्स लिमिटेडचा आयपीओ मंगळवारपासून खुला झाला आहे. यामध्ये किरकोळ गुंतवणूकदार या आयपीओसाठी 26 मार्च ते 28 मार्चपर्यंत बोली लावू शकतात.
कंपनीचे समभाग हे मुंबई शेअरबाजारात 3 एप्रिल रोजी नोंदणीकृत होणार आहेत. या आयपीओच्या मदतीने कंपनी जवळपास 130.20 कोटी रुपये उभारणार असल्याची माहिती आहे. हा संपूर्णपणे नवीन आयपीओ असल्याने कंपनी यासाठी तब्बल 6,200,000 नवीन समभाग सादर करणार असल्याची माहिती आहे.
किमान व कमाल किती गुंतवणूक?
सदरच्या आयपीओसाठी किरकोळ गुंतवणूकदारांना किमान एक लॉट म्हणजेच 70 समभागांसाठी अर्ज करता येईल. कंपनीने आयपीओ प्राईस ब्रँड 200 ते 210 रुपये प्रति समभाग निश्चित केली आहे. आयपीओच्या 210 च्या वरील प्राईस ब्रँडवर 1 लॉटसाठी अर्ज करायचा झाल्यास मात्र जवळपास 14,700 रुपयांची गुंतवणूक करावी लागणार आहे.