आय फोन 16 च्या विक्रीत वाढ

नवी दिल्ली :

सादरीकरण केलेल्या पहिल्याच महिन्यामध्ये अॅपलच्या आयफोन- 16 ला ग्राहकांनी उदंड प्रतिसाद दिल्याचे पहायला मिळाले आहे. या फोनची विक्री आयफोन-15 ला मागे टाकण्यामध्ये यशस्वी झाली आहे. आयफोन-15 च्या तुलनेमध्ये आयफोन-16 ची विक्री 8 टक्के वाढीव दिसून आली आहे. नव्या सिरीज अंतर्गत सप्टेंबरमध्ये सादर करण्यात आलेल्या आयफोन-16 ची विक्री देशभर करण्यात आली आहे. या आयफोन-            16 ची सध्याला भारतात फॉक्सकॉनकडून निर्मिती करण्यात येत आहे. भारतात आयफोन-16 ची विक्री अधिक असली तरी अमेरिकेत मात्र आयफोन-15 पेक्षा आयफोन-16 ची विक्री एक टक्का कमीच राहिली आहे. चीनमध्ये पहिल्या तीन आठवड्यात नव्या मॉडेलच्या विक्रीत 20 टक्क्यांची जबरदस्त वाढ पहायला मिळाली.