नॉन-इक्विटी फंडामधील गूंतवणूक 26 टक्क्यांनी वाढली

एसआयपीमधून 31,781 कोटी : मिडकॅपला गुंतवणूकदारांची पहिली पसंती

वृत्तसंस्था, नवी दिल्ली

शेअर बाजारात अस्थिरता असूनही जूनमध्ये इक्विटी म्युच्युअल फंडांवरील गुंतवणूकदारांचा विश्वास मजबूत राहिला आहे. असोसिएशन ऑफ म्युच्युअल फंड्स इन इंडिया (एएमएफआय) ने शुक्रवारी प्रसिद्ध केलेल्या आकडेवारीनुसार, जूनमध्ये इक्विटी म्युच्युअल फंडांमध्ये 28,973 कोटींचा निव्वळ ओघ (नेट इनफ्लो) झाला. हा आकडा मे महिन्यातील 22,908 कोटींपेक्षा सुमारे 26 टक्क्यांनी जास्त आहे. त्याच वेळी, सिस्टिमॅटिक इन्व्हेस्टमेंट प्लॅन (एसआयपी) द्वारे झालेली गुंतवणूक गेल्या महिन्यात 31,781 कोटींपर्यंत वाढली.

दरम्यान, डेट म्युच्युअल फंडांमधून मोठ्या प्रमाणात पैसे काढल्यामुळे संपूर्ण म्युच्युअल फंड उद्योगात 52,949 कोटी रुपयांचा निव्वळ बहिर्वाह नोंदवला गेला. मे महिन्यात हा आकडा 64,131 कोटी रुपये होता. याचे मुख्य कारण म्हणजे डेट-आधारित योजनांमधून 1.09 लाख कोटी रुपये काढण्यात आले. असे असूनही, उद्योगाची व्यवस्थापनाखालील मालमत्ता मे महिन्याच्या अखेरीस 81.6 लाख कोटी रुपयांवरून जूनच्या अखेरीस 82.22 लाख कोटी रुपयांपर्यंत वाढली.

इक्विटी फंडांमधून 28,973 कोटी रुपये आले

एएमएफआयनुसार, मे महिन्यातील 22,908 कोटी रुपयांच्या तुलनेत जूनमध्ये इक्विटी योजनांमध्ये 28,973 कोटी रुपयांचा निव्वळ अंतर्वाह झाला. यापूर्वी, एप्रिलमध्ये 38,440 कोटी रुपये, मार्चमध्ये 40,450 कोटी रुपये, फेब्रुवारीमध्ये 25,978 कोटी रुपये आणि जानेवारीमध्ये 24,028 कोटी रुपयांची गुंतवणूक झाली होती.