मिशन इम्पॉसिबल 8 चा ट्रेलर सादर

अखेरच्या मिशनवर परतला टॉम क्रूज

टॉम क्रूजचा जबरदस्त अॅक्शन आणि स्टंट्सचे कोट्यावधी चाहते आहेत. मिशन इम्पॉसिबल या लोकप्रिय अॅक्शन फ्रेंचाइजीसाठी त्याला ओळखले जाते. चित्रपटाच्या प्रत्येक हिस्स्यात अभिनेत्याचे एक नवे रुप आणि थक्क करणारा स्टंट दिसून येतो. याता या फ्रेंचाइजीच्या अखेरचा चित्रपट येणार असून त्याचा ट्रेलर प्रदर्शित करण्यात आला आहे. या चित्रपटात भारतीय अभिनेती अवनीत कौरही झळकणार आहे. यामुळे तिच्या चाहत्यांची उत्सुकता वाढली आहे.

या चित्रपटाचे नाव ‘मिशन इम्पॉसिबल : द फायनल रेकनिंग’ आहे. आमचे जीवन कुणा एका कामाने व्यक्त होत नाही. ज्या गोष्टी आम्ही निवडतो, आमचे जीवन त्या सर्व गोष्टींची एक सरमिसळ आहे असा संवाद ट्रेलरमध्ये टॉमच्या तोंडी आहे. अभिनेता यावेळी स्वत:चे मिशन पूर्ण करण्यासाठी खोल समुद्रात उतरणर आहे. हा चित्रपट 23 मे 2025 रोजी प्रदर्शित होणार आहे.

मिशन इम्पॉसिबल ही अॅक्शन फ्रेंचाइजी 1996 मध्ये सुरू झाली होती. मिशन इम्पॉसिबलचा दुसरा भाग 2000 साली प्रदर्शित झाला होता. तर तिसरा चित्रपट 2005 साली सादर करण्यात आला होता. चौथा चित्रपट 2011 मध्ये प्रेक्षकांच्या भेटीला आला होता.