‘इन्फोसिस’चा नफा 2 टक्क्यांनी घसरला

नफा 6,654 कोटींवर : तिसऱ्या तिमाहीमधील आकडेवारी सादर

मुंबई : आयटी कंपनी इन्फोसिसने 14 जानेवारी रोजी 2025-26 या आर्थिक वर्षाच्या तिसऱ्या तिमाहीचे निकाल जाहीर केले. कंपनीचा एकत्रित निव्वळ नफा वर्षाच्या आधारावर पाहता 2.2 टक्क्यांनी कमी होऊन तो 6,654 कोटी रुपयांवर आला. गेल्या वर्षी याच तिमाहीत नफा 6,806 कोटी रुपयांचा होता. ऑपरेशन्समधून मिळणारा महसूल सुमारे 9 टक्क्यांनी वधारला आहे. तो 45,479 कोटींवर पोहोचला आहे, जो गेल्या वर्षी 41,764 कोटी होता. चांगल्या कामगिरीमुळे, इन्फोसिसने त्यांचा पूर्ण वर्षाचा महसूल वाढीचा अंदाज 2-3 वरून 3-3.5 टक्केपर्यंत वाढवला आहे.

नवीन कामगार संहितेमुळे नफ्यात घट

नफ्यात घसरणीचे मुख्य कारण भारतात लागू केलेला नवीन कामगार संहिता कायदा आहे. कंपनीने म्हटले आहे की नवीन नियमांच्या अंमलबजावणीमुळे, ग्रॅच्युइटी दायित्व आणि सुट्टीच्या भरपाईसाठी 1,289 कोटींची स्वतंत्र तरतूद करावी लागली. ही ‘एक-वेळची किंमत’ आहे. 21 नोव्हेंबरपासून लागू झालेल्या या नवीन नियमांनुसार, कंपन्यांना त्यांच्या पगाराच्या रचनेत बदल करावा लागेल, ज्यामध्ये मूळ वेतन किमान 50 टक्के सीटीसी ठेवणे बंधनकारक आहे.

नोकरी सोडणाऱ्या कर्मचाऱ्यांची संख्या कमी

आयटी क्षेत्रासाठी सर्वात मोठी चिंता म्हणजे नोकरी सोडण्याचा दर. कंपनीचा नोकरी सोडण्याचा दर गेल्या वर्षी 13.7 टक्केवरून 12.3 टक्केपर्यंत घसरला आहे. तिमाही-दर-तिमाही आधारावर, तो 2 टक्केपेक्षा कमी आहे. याचा अर्थ कंपनी आता आपल्या कर्मचाऱ्यांना कायम ठेवण्यात अधिक यशस्वी झाली आहे.