‘इन्फोसिस’ला एआयकडून मोठ्या संधीची अपेक्षा
2030 पर्यंत 300-400 अब्ज डॉलर्सच्या व्यवसाय संधीवर लक्ष्य
वृत्तसंस्था/नवी दिल्ली
देशातील दुसऱ्या क्रमांकाची सर्वात मोठी आयटी कंपनी, इन्फोसिसचे सह-संस्थापक आणि अध्यक्ष, नंदन नीलेकणी यांनी कंपनीच्या 45 व्या वार्षिक सर्वसाधारण सभेत (एजीएम) सांगितले की, इन्फोसिस 2030 सालापर्यंत आर्टिफिशियल इंटेलिजन्स (एआय) आधारित सेवांमधील 300-400 अब्ज डॉलर्सच्या व्यावसायिक सेवा संधीचा फायदा घेण्याची योजना आखत आहे. दरम्यान यावेळी ते म्हणाले की, एआयने इन्फोसिसला पूर्वीपेक्षा अधिक समर्पक बनवले आहे आणि येत्या दशकात दमदार कामगिरी करण्यासाठी कंपनी सुस्थितीत आहे. जेनएआयच्या युगात इन्फोसिस अधिक समर्पक आहे.
एजीएममध्ये भागधारकांना संबोधित करताना, नीलेकणी यांनी वेगाने होणाऱ्या तांत्रिक बदलांमुळे आयटी उद्योगासमोर उभ्या असलेल्या ‘अस्तित्वाच्या प्रश्नांवर’ चर्चा केली. ते म्हणाले, जनरेटिव्ह एआय सादर होऊन तीन वर्षे उलटली असली तरी, इन्फोसिस पूर्वीपेक्षा अधिक समर्पक आहे आणि पुढील दशकासाठी सुस्थितीत आहे. आम्ही उत्तम कोडिंग साधनांचा अवलंब करून आमची उत्पादकता वाढवत आहोत, परंतु सॉफ्टवेअर डेव्हलपमेंटमध्ये अजूनही बरेच काम करायचे आहे.’
एआय आयटी कंपन्यांची जागा घेणार नाही
मोठ्या कंपन्यांमध्ये एआयच्या वापरासाठी अजूनही खूप वाव आहे. त्यांच्या मते, ही दरी भरून काढणे ही सर्वात मोठी व्यावसायिक संधी आहे. नंदन निलेकणी म्हणाले, ‘एआय आमच्यासारख्या कंपन्यांची जागा घेणार नाही. जे उद्देशपूर्णपणे पुढे जातात आणि वेगाने स्वत:मध्ये बदल घडवतात, त्यांना ते अधिक मजबूत करणार असल्याचाही दावा केला आहे.
सिंचन प्रणालीचे आधुनिकीकरण करणे आवश्यक
एआय क्रांतीमुळे जुन्या प्रणालींचे आधुनिकीकरण करणे आवश्यक झाले आहे, ज्यामुळे इन्फोसिसला या संरचनात्मक बदलाचा फायदा घेण्याची संधी मिळाली आहे. ते म्हणाले की, ग्राहक इन्फोसिसच्या अनुभवाच्या आधारावर एंटरप्राइझ एआयच्या गुंतागुंती हाताळण्यास मदत करण्यावर विश्वास ठेवतात. तसेच, कंपनी आपल्या शीर्ष 200 ग्राहकांपैकी 90 टक्क्यांसोबत एआय-संबंधित प्रकल्पांवर काम करत आहे.