नॉर्वे बुद्धिबळ स्पर्धेत भारतीयांचा संघर्ष

वृत्तसंस्था/ नवी दिल्ली

येथे सुरू असलेल्या नॉर्वे बुद्धिबळ स्पर्धेच्या सहाव्या फेरीत भारतीय संघाची कामगिरी निराशाजनक झाली. सहाव्या फेरीत भारताच्या चारही खेळाडूंना पराभव पत्करावा लागला. मागील फेरीत आश्वासक कामगिरी केल्यानंतर विश्वविजेता डी. गुकेश पुन्हा पराभवाच्या गर्तेत सापडला, तर आर. प्रज्ञानंद, दिव्या देशमुख आणि कोनेरू हम्पी यांनाही पराभवाला सामोरे जावे लागले.

गतविजेता आणि जागतिक क्रमवारीत अव्वल असलेला मॅग्नस कार्लसनने क्लासिकल प्रकारात विजय मिळवून आपले पुनरागमन कायम ठेवले आणि स्वताला विजेतेपदाच्या शर्यतीत पुन्हा एकदा भक्कमपणे स्थापित केले. सुरुवातीच्या फेऱ्यामध्ये आश्चर्यकारकपणे कमकुवत वाटणारा हा नॉर्वेजियन खेळाडू, अगदी योग्य वेळी अचानक वेग पकडत आहे आणि एक अशक्य वाटणारी मोहीम मायदेशातच विजेतेपदासाठीच्या खऱ्याख्रुया आव्हानात बदलत आहे. तरीही, कार्लसनच्या पुनरागमनावर एका अनपेक्षित आघाडीच्या खेळाडूने मात केली आहे. अमेरिकेचा वेस्ली सो, अलीरेझा फिरौजाला अव्वल स्थानावरून हटवून, चार फेऱ्या शिल्लक असताना एकमेव आघाडीचा खेळाडू म्हणून उदयास आला आहे. त्याचवेळी स्पर्धेच्या सुरुवातीला संघर्ष करणाऱ्या कार्लसन आणि व्हिन्सेंट कीमर या दोघांनीही निराशाजनक सुरुवातीनंतर जोरदार पुनरागमनाचे प्रयत्न सुरू केले आहेत, ज्यामुळे स्पर्धेच्या अंतिम टप्प्यातही विजेतेपदाची शर्यत पूर्णपणे खुली राहिली आहे.

प्रज्ञानंद पराभूत

सो ने प्रज्ञानंदला एका क्लासिकल गेममध्ये पराभूत करून आणि पूर्ण तीन गुण मिळवून 11.5 गुणांसह एकहाती आघाडी घेतली, ज्यामुळे भारतीय खेळाडू सहा गुणांसह सहा खेळाडूंच्या क्रमवारीत तळाशी राहिला. कीमरने गुकेशच्या (6.5 गुण) वेळेच्या अडचणीचा फायदा घेत एक महत्त्वपूर्ण विजय मिळवला आणि आपल्या गुणांची संख्या आठव्या स्थानावर नेली. ओपन विभागात विश्वविजेत्याला आणखी एक धक्का देत गुण मिळवले. दरम्यान, कार्लसनने फिरौजावर एक निर्णायक क्लासिकल विजय मिळवली. तो 7.5 गुणांसह चौथ्या स्थानावर पोहोचला. सलग दुसऱ्या गेममध्ये, प्रज्ञानंद आपली बाजू राखण्याच्या मार्गावर होता आणि काही वेळा तर तो बाजी पलटवण्यासही सक्षम दिसत होता, परंतु सो ने पुन्हा एकदा आपल्या एंडगेममधील प्रभुत्व दाखवले, संयमाने एका अतिरिक्त प्याद्याचे तीन गुणांमध्ये रूपांतर केले. हे सूत्र त्याला संपूर्ण स्पर्धेत उल्लेखनीयरीत्या उपयोगी पडले आहे.

भारतीय महिलांचाही पराभव

विश्वचषक विजेती दिव्या देशमुख (8.5 गुण) हिने चीनची पाच वेळची विश्वविजेती जू वेनजुन (8 गुण) हिच्याकडून क्लासिकल प्रकारात पराभव पत्करल्यानंतर अव्वल स्थानावरील पकड गमावली आणि ती दुसऱ्या स्थानावर घसरली, परंतु आघाडीवर असलेल्या बिबिसारा असाउबायेवा (9.5 गुण) हिच्यापासून ती अजूनही खूप दूर आहे. क्लासिकल प्रकारात चुरशीच्या लढतीनंतर झालेल्या ड्रॉ नंतर, आर्मागेडॉन टाय-ब्रेकमध्ये कोनेरू हम्पी (5.5 गुण) हिच्यावर मात करून कझाकस्तानाचे खेळाडूने आणखी आघाडी घेतली.

हम्पीसाठी ही मोहीम निराशाजनक ठरली आहे, कारण ती गुणतालिकेत तळाशी आहे आणि लय शोधण्यासाठी संघर्ष करत आहे, जे नॉर्वे बुद्धिबळाच्या मागील आवृत्तीतील तिच्या प्रभावी कामगिरीच्या अगदी उलट आहे.