भारतीय बाजारात सलगची घसरण

मंगळवारच्या सत्रात सेन्सेक्स 636 अंकांनी नुकसानीत

मुंबई :

चालू आठवड्यातील दुसऱ्या सत्रात मंगळवारी आशियाई बाजारांमध्ये वाढ असूनही, मंगळवारी भारतीय शेअर बाजार सलग तिसऱ्या व्यापार सत्रात घसरणीने बंद झाला. गुंतवणूकदारांचे उच्च मूल्यांकन आणि अमेरिकेचे अध्यक्ष डोनाल्ड ट्रम्प यांच्या टॅरिफमुळे जागतिक अनिश्चिततेमुळे बाजारात मोठ्या प्रमाणात चढ-उतार दिसून आले.

बीएसई सेन्सेक्स मंगळवारी 81,492.50 वर मजबूतीने उघडला. अखेरच्या क्षणी तो 636.24 अंकांसोबत 0.78 टक्क्यांनी घसरून 80,737.51 वर बंद झाला. याचप्रमाणे, राष्ट्रीय शेअर बाजाराचा निफ्टी देखील अखेरच्या क्षणी 174.10 अंकांनी प्रभावीत होत निर्देशांक 24,542.50 वर बंद झाला.

घसरणीचे कारण काय?

1. मजबूत अमेरिकन ट्रेझरी उत्पन्न आणि जागतिक व्यापारातील अनिश्चिततेमुळे परदेशी गुंतवणूकदारांनी (एफआयआय) विक्री केल्याने मंगळवारी वित्तीय आणि आयटी शेअर्समध्ये घसरण झाली.
2. याच वेळी, वॉल स्ट्रीट जर्नलने इराणी एलपीजी आयातीवरील अमेरिकेच्या चौकशीवरील अहवालानंतर, अदानी समूहाच्या शेअर्समधील घसरणीचा परिणाम बाजारात दिसला.

रिअल्टी निर्देशांक 1 टक्केपेक्षा अधिक वाढला

क्षेत्रांमध्ये, निफ्टी प्रायव्हेट बँक निर्देशांक 1 टक्केपेक्षा जास्त घसरला. यानंतर, निफ्टी पीएसयू बँक निर्देशांक 0.59 टक्के, निफ्टी आयटी निर्देशांक 0.67 टक्के आणि निफ्टी एफएमसीजी निर्देशांक 0.49 टक्क्यांनी घसरला. दुसरीकडे, निफ्टी रिअॅल्टी निर्देशांकात 1 टक्क्यांहून अधिक वाढ झाली.अमेरिकेचे अध्यक्ष डोनाल्ड ट्रम्प यांच्या टॅरिफ योजनांवरील चिंता आणि अमेरिका-चीन व्यापार तणाव यांचे मिश्रण बेंचमार्क निर्देशांक सेन्सेक्स आणि निफ्टीवर परिणाम करू शकते.

अदानी एंटरप्रायझेसचे शेअर्स 2 टक्क्यांहून अधिक घसरले. अदानी पोर्ट्सचे शेअर्सही 2 टक्क्यांहून अधिक घसरले. वॉल स्ट्रीट जर्नलच्या एका अहवालानंतर या समूहाच्या शेअरमध्ये घट झाली.