भारतीय हॉकी संघाचा जर्मनीवर विजय
वृत्तसंस्था/ लंडन
आंतरराष्ट्रीय हॉकी पेडरेशनच्या येथे शनिवारी झालेल्या प्रो हॉकी लीग स्पर्धेतील सामन्यात हरमनप्रित सिंगच्या नेतृत्त्वाखालील भारतीय हॉकी संघाने विश्वविजेत्या जर्मनीचा 3-0 असा एकतर्फी पराभव करत प्रो लीग स्पर्धेच्या लंडन टप्प्याला या विजयाने शानदार सुरूवात केली.
या सामन्यात भारतातर्फे कर्णधार हरमनप्रित सिंगने 16 व्या मिनिटाला आपल्या संघाचे खाते उघडले. मध्यंतरापर्यंत भारताने जर्मनीवर 1-0 अशी आघाडी मिळविली होती. सामन्यातील तिसऱ्या 15 मिनिटांच्या कालावधीत भारतातर्फे दोन गोल नोंदविले गेले. 41 व्या मिनिटाला सुखजितसिंगने तर 44 व्या मिनिटाला गुरूजंत सिंगने गोल नोंदविले. हॉकी मानांकनात पाचव्या स्थानावरील भारताने आता प्रो लीग हॉकी स्पर्धेत 13 सामन्यातून 24 गुणासह तिसरे स्थान मिळविले आहे. अर्जेंटिनाचा संघ 14 सामन्यातून 26 गुणांसह दुसऱ्या तर नेदरलँडसने 12 सामन्यातून 26 गुणांसह आघाडीचे स्थान मिळविले आहे. आता या स्पर्धेतील भारताचा पुढील सामना पुन्हा जर्मनीबरोबर 8 जूनला होणार आहे. त्यानंतर भारताचे या स्पर्धेतील सामने ब्रिटन बरोबर 2 आणि 9 जूनला खेळविले जातील.`