इंडियन क्राफ्ट बाजार प्रदर्शनाचा रविवारी समारोप

बेळगाव : येथील गोवावेसजवळील खाऊ कट्ट्यासमोरील मंगल ग्राउंडवर सुरू असलेल्या इंडियन क्राफ्ट बाजार प्रदर्शनाला बेळगावकरांकडून उदंड प्रतिसाद मिळत असला तरीही हे प्रदर्शन आता येत्या रविवारपर्यंतच राहणार आहे. या प्रदर्शनात एकाच छताखाली 100 हून अधिक स्टॉल्स मांडण्यात आले आहेत. त्यामध्ये भारताच्या विविध भागातील हॅन्डलूम व हॅन्डीक्राफ्ट उत्पादनांची मांडणी करण्यात आली आहे. त्यामध्ये लखनवी चिकन सुट, टॉप्स, साड्या, डेस मटेरियल व अनारकली, सहारनपूर, फर्निचरमध्ये बेड्स, सोफासेट्स, अलमारी, डायनिंग टेबल, राजस्थानी टेराकोटा शिवाय राजस्थानी लोणचे, बॉम्बे नॅपकिन, राजस्थानी मुखवास, लाखेच्या बांगड्या, बधोई कार्पेट्स, सतरंजी, डोअरमॅट, गालीचे, मधुबनी पेंटिंग्स,  बनारसी, चंदेरी सिल्क साड्या, काथ्यावर्क साड़्या, कलकत्ता साड्या, हैद्राबादी पर्ल व उडीसा पर्ल, बेड कव्हर, दिवान सेट, केरळ व बॉम्बे फॅन्सी ज्वेलरी, राजस्थानी मोजडी, पॅन्सी चप्पल, लेदर बॅग्स, कॉटन बॅग्स, टॉप्स, कॉटन शर्ट, टी-शर्ट, पंजाबी सूट व फुलकारी आयटम्स, कॉटनच्या साड्या याबरोबरच काश्मिरी सिल्क साड़्या व सूट, भव्य अशा स्टॉल्सवर शोभेच्या वस्तू, वेगवेगळ्या प्रकारच्या चिनीमातीच्या बरण्या, फ्लॉवर पॉट्स, बोनसाई प्लांट पॉट्स, फिरोजाबाद हँडमेड लॅम्प्स, जोधपूर पेन्टिंग्ज, शोभेच्या वस्तू, सर्व प्रकारची क्रॉकरी, नागालँड ड्राय फ्लॉवर्स, मातीची भांडी, टीव्ही, फ्रीज आणि सोफा कुशन कव्हर आदी वस्तूंचा समावेश आहे. पूजेसाठी व आवाजासाठी वेगवेगळ्या आकाराचे शंख उपलब्ध असून मुलांची खेळणी, टॉईज व एज्युकेशन टॉईज प्रदर्शनात उपलब्ध आहेत. प्रदर्शनात अनेक वस्तूंवर भव्य सवलत दिली जात आहे. तसेच व्रेडिट व डेबिट कार्ड्सवर खरेदी करणाऱ्यांना पाच टक्के खास सवलत दिली जात आहे. प्रदर्शनात सर्वांना मोफत प्रवेश असून पार्किंग सुविधा उपलब्ध आहे. या प्रदर्शनाचा नागरिकांनी लाभ घ्यावा, असे आवाहन आयोजकांनी केले आहे.