भारत सहाव्या स्थानी

वृत्तसंस्था, नागोया

आशियाई क्रीडा स्पर्धेतील पुरुषांच्या व्हॉलीबॉल प्रकारात भारताला सहाव्या स्थानावर समाधान मानावे लागले. शनिवारी येथे पाचव्या आणि सहाव्या स्थानासाठी खेळविण्यात आलेल्या सामन्यात थायलंडकडून भारताला 19-25, 25-17, 21-25, 25-17, 15-17 अशा गेम्समध्ये पराभव पत्करावा लागला. हा सामना जवळपास 2 तास चालला होता. या सामन्यात भारतातर्फे जेरोमी विनीतने सर्वाधिक म्हणजे 22 गुण नोंदविले. तर थायलंडतर्फे सुवितने 25 गुण नोंदविले.