फिरत्या निर्माल्य कुंडाचे अनगोळ येथे उद्घाटन

बेळगाव : गणेशोत्सव काळात पूजाअर्चा केली जाते. पूजाअर्चा केल्यानंतर तो कचरा इतरत्र फेकून दिला जातो. त्यामुळे गेल्या नऊ वर्षांपासून त्या कचऱ्याचे संकलन करण्यासाठी माजी नगरसेवक विनायक गुंजटकर यांनी फिरत्या निर्माल्य कुंड उपक्रमाची सुरुवात केली आहे. त्याचे उद्घाटन करण्यात आले. अनगोळ परिसरातील कचरा निर्माल्य कुंडाच्या माध्यमातून जमा केला जातो. त्यानंतर तो महानगरपालिकेच्या कचरावाहू वाहनामधून पाठविला जातो. या उद्घाटनावेळी विनायक गुंजटकर, राजू पवार, भाऊ कावळे, गजानन चौगुले, सचिन चिरमिटे, विनय राजगोळकर, विश्वनाथ पवार, बाळू पवार, अजित पाटील, स्वामी चरंतीमठ यांसह इतर नागरिक उपस्थित होते.