इलियाना अन् विद्या एकत्र झळकणार

प्रतीक गांधी असणार मुख्य भूमिकेत

प्रेक्षकांना आता विद्या बालन आणि प्रतीक गांधी ही नवी जोडी पहायला मिळणार आहे. विद्या बालनच्या आगामी चित्रपटाचे पोस्टर समोर आले आहे. विद्या आता ‘दो और दो प्यार’ या चित्रपटात दिसून येणार आहे. या चित्रपटात विद्यासोबत इलियाना डीक्रूज ही अभिनेत्रीही काम करत आहे. या चित्रपटात विद्या आणि प्रतीक तर इलियाना आणि सेंथील राममूर्ती अशी जोडी दिसून येणार आहे. श्रीशा गुहू थकुर्ता यांच्या दिग्दर्शनाखाली हा चित्रपट तयार करण्यात आला आहे. हा चित्रपट 29 मार्च रोजी प्रदर्शित होणार आहे. या चित्रपटात अनेक कलाकार असल्याने चाहते तो पाहण्यासाठी आतुर झाले आहेत. विद्या बालन आणि इलियानाच्या नव्या चित्रपटाची घोषणा आणि नवी जोडी पाहिल्यावर चाहत्यांची उत्सुकता वाढली आहे. इलियाना ही पुत्राला जन्म दिल्यावर पहिल्यांदाच मोठ्या पडद्यावर दिसून येणार आहे. तर विद्या बालनही मागील काही काळापासून प्रेक्षकांच्या भेटीला आलेली नाही. तर प्रतीक गांधी हा आगामी काळात अनेक चित्रपटांमधून प्रेक्षकांच्या भेटीला येणार आहे.