ह्युंडाई व्हेन्यू नाईट आवृत्ती लाँच

सुरुवातीची किंमत 9.69 लाख : सुरक्षेसाठी नवीन ब्लॅक-थीम, डॅशकॅम

वृत्तसंस्था, नवी दिल्ली

ह्युंडाईने भारतात आपल्या व्हेन्यूची नाईट एडिशन 2026 लॉन्च केली आहे. या नवीन ब्लॅक-थीम असलेल्या सब-4-मीटर एसयूव्हीची किंमत 9.69 लाख (एक्स-शोरूम) आहे. दक्षिण कोरियाच्या या वाहन निर्मात्याच्या नव्या वाहनात  अनेक नवीन वैशिष्ट्यो देखील जोडली आहेत.

2026 व्हेन्यू नाईट एडिशन: नवीन रंग आणि बोल्ड लूकसह ह्युंडाई व्हेन्यू नाईट एडिशन हेझल ब्लू मॅट आणि मिस्टिक सफायर मॅट या दोन नवीन रंगांच्या पर्यायांसह सादर करण्यात आली आहे. ही एडिशन पूर्णपणे ब्लॅक थीमवर डिझाइन केली आहे.

यात ब्लॅक फ्रंट ग्रिल, मॅट ब्लॅक ह्युंडाई लोगो आणि विशेष नाईट एडिशन एम्ब्लेम आहे. ब्लॅक आणि सिल्व्हर स्किड प्लेट्स, ब्लॅक रूफ रेल्स आणि रेड ब्रेक कॅलिपर्स यांसारखे बाह्य घटक याला आक्रमक लूक देतात.

नवीन वैशिष्ट्यो: डॅशकॅम आणि अॅप सपोर्ट ह्युंडाईने यामध्ये एक नवीन डॅशकॅम सादर केला आहे, जो एचएक्स6टी, एचएक्स 10 आणि एन10 सारख्या टॉप व्हेरियंट्समध्ये मिळेल. हा कॅमेरा ड्रायव्हिंग रेकॉर्डिंग, इव्हेंट-बेस्ड रेकॉर्डिंग आणि व्हेकेशन मोडला सपोर्ट करतो. विशेष गोष्ट म्हणजे, ही सर्व रेकॉर्डिंग्ज युझर्स ह्युंडाईच्या अॅपद्वारे अॅक्सेस करण्याची संधी प्राप्त होणार आहे.

इंजिन आणि गिअरबॉक्स: तीन पर्याय उपलब्ध. नाईट एडिशनच्या पॉवरट्रेनमध्ये कोणतेही बदल करण्यात आलेले नाहीत.

1.2 लिटर पेट्रोल: 83 एचपी, मॅन्युअल गिअरबॉक्ससह. 1.0 लिटर टर्बो पेट्रोल: 120 एचपीची मुख्य शक्ती आणि डीसीटी ऑटोमॅटिक गिअरबॉक्स.

1.5 लिटर डिझेल: 116 एचपी, मॅन्युअल आणि ऑटोमॅटिक दोन्ही ट्रान्समिशनसह.

सुरक्षा: लेव्हल 2 एडीएएस आणि 6 स्टँडर्ड एअरबॅग्ज. सुरक्षेच्या बाबतीत, यात स्मार्टसेन्स लेव्हल 2 एडीएएस (अॅडव्हान्स्ड ड्रायव्हर असिस्टन्स सिस्टीम) आहे. याव्यतिरिक्त, 6 स्टँडर्ड एअरबॅग्ज, इलेक्ट्रॉनिक स्टॅबिलिटी कंट्रोल, व्हेईकल स्टॅबिलिटी मॅनेजमेंट, टायर प्रेशर मॉनिटरिंग सिस्टीम आणि हिल स्टार्ट असिस्ट यांसारखी वैशिष्ट्यो उपलब्ध आहेत.