एचएसबीसीची भारतात डिजिटल पेमेंट सेवा सुरु

आता ई-कॉमर्स पेमेंट करणे होणार सोपे : पेमेंट सेवा अधिक मजबूत होणार

वृत्तसंस्था/नवी दिल्ली

एचएसबीसीने मंगळवारी भारतात एचएसबीसी डिजिटल पेमेंट सेवा (डीएमएस) सुरू केली. ही एक डिजिटल पेमेंट व्यवस्थापन सोल्यूशन आहे, जी विशेषत: ई-कॉमर्स व्यापाऱ्यांसाठी पेमेंट प्रक्रिया सुलभ आणि सुधारित करण्यासाठी डिझाइन केलेली आहे. या सेवेद्वारे, व्यापाऱ्यांना एकाच करार आणि इंटरफेस अंतर्गत अनेक पेमेंट मोड स्वीकारण्याची सुविधा मिळेल. यामुळे त्यांना वेगळ्या पेमेंट प्रदात्यांशी व्यवहार करण्याची आवश्यकता नाहीशी होईल. मास्टरकार्ड, व्हिसा, रुपे सारखे कार्ड व्यवहार तसेच यूपीआय आणि नेट बँकिंग सारखे पेमेंट पर्यायदेखील डीएमएसमध्ये एक-एक करून समाविष्ट करण्यात येणार असल्याची माहिती आहे. वेगळ्या पेमेंट सेवा प्रदात्यांची आवश्यकता नाही. एचएसबीसीच्या मते, ही एंड-टू-एंड सेवा पेमेंट व्यवस्थापन सुलभ करते. व्यापाऱ्यांना वेगवेगळ्या पेमेंट सेवा प्रदात्यांशी संबंध राखण्याची आवश्यकता राहणार नाही आणि सामंजस्य आणि अहवाल प्रक्रिया देखील सुलभ केली जाणार असल्याचे स्पष्टीकरण दिले.

मजबूत डिजिटल पेमेंट इकोसिस्टम

एचएसबीसी इंडियाचे बँकिंग प्रमुख अजय शर्मा म्हणाले, ‘एचएसबीसी डिजिटल पेमेंट सेवेची सुरुवात ही आमच्यासाठी एक मजबूत आणि व्यापक पेमेंट पायाभूत सुविधा तयार करण्याच्या दिशेने एक मोठे पाऊल आहे.’ डीएमएसच्या माध्यमातून, एचएसबीसी डिजिटल पेमेंट क्षमता वाढविण्यासाठी आणि क्लायंटच्या रोख व्यवस्थापन आणि तरलता उपायांमध्ये एकात्मता सक्षम करण्यासाठी फिनटेकशी भागीदारी करेल.

डीएमएस म्हणजे काय?

डिजिटल मर्चंट सर्व्हिसेस (डीएमएस) ही एक सेवा आहे जी व्यापाऱ्यांना ऑनलाइन आणि डिजिटल पेमेंट व्यवस्थापित करणे सोपे करते. यामध्ये, व्यापारी एकाच प्लॅटफॉर्मवरून यूपीआय, डेबिट आणि क्रेडिट कार्ड, नेट बँकिंग आणि इतर पेमेंट पद्धती स्वीकारू शकतात.