होंडाने 300 सीसी-350 सीसी दुचाकी परत मागविल्या

व्हील स्पीड सेन्सरसह कॅमशाफ्टमध्ये कंपनीला आढळल्या त्रुटी : संबंधीतांशी कंपनी साधतेय संपर्क

वृत्तसंस्था/ नवी दिल्ली

होंडा मोटरसायकल आणि स्कूटर इंडिया (एचएमएसआय) यांनी तांत्रिक बिघाडामुळे 300 सीसी आणि 350सीसी दुचाकी परत मागवल्या आहेत. कंपनीच्या परत मागवलेल्या गाड्यांमध्ये 5 मॉडेल्सचा समावेश आहे. कंपनीने मार्केट रेग्युलेटरला सांगितले की व्हील स्पीड सेन्सर्स आणि कॅमशाफ्टमधील समस्या दूर करण्यासाठी या मोटारसायकली परत मागविल्या आहेत.

ब्रेकिंग सिस्टम खराब झाल्याचा अंदाज

व्हील स्पीड सेन्सरमध्ये दोष: होंडाने सांगितले की ऑक्टोबर 2020 ते एप्रिल 2024 दरम्यान तयार केलेल्या होंडा सीबी300एफ, सीबी300आर, सीबी350 आणि एच, सीबी350 आणि सीबी350आरएसच्या उत्पादनादरम्यान अयोग्य मोल्डिंग प्रक्रिया केली गेली. त्यामुळे पाण्याचा वेग व्हीलमध्ये जाऊ शकतो आणि  नुकसान होऊ शकते. सेन्सर खराब झाल्यास स्पीडोमीटर, ट्रॅक्शन कंट्रोल किंवा एबीएस खराब होऊ शकतात. या बिघाडामुळे ब्रेकिंग सिस्टीम नीट काम करणार नाही आणि भरधाव वेगाने दुचाकी गेल्याने गंभीर अपघात होऊ शकतो.

कॅमशाफ्ट बिघाड: त्याच वेळी, जून 2024 ते जुलै 2024 दरम्यान उत्पादित होंडा सीबी 350, सीबी350 आरएस आणि एच, सीबी350 मध्ये कॅमशाफ्ट घटक बिघाड झाल्याचे आढळून आले आहे. होंडाने सांगितले की, कॅमशाफ्टचा बाईकच्या मेकॅनिकलवर परिणाम होतो. जर ती खराब असेल तर ती बाइकला चांगली कामगिरी करू देत नाही. या समस्यांमुळे सध्या एकही अपघात झाला नसल्याची माहिती कंपनीने दिली आहे.

ग्राहकाकडून कोणतेही शुल्क घेणार नाही.

कंपनीने ग्राहकांना त्यांच्या मोटारसायकल बिगविंग डीलरशिपवर नेण्यास सांगितले आहे जेथे दोष दूर केला जाईल. यासाठी ग्राहकांना त्यांच्या बाईकसाठी अपॉइंटमेंट बुक करावी लागेल. याशिवाय अधिकृत वर्कशॉप मोटारसायकल मालकांशीही संपर्क साधला जाणार आहे. गाडी दुरुस्ती वा भाग बदलण्यासाठी दुचाकी मालकांना कळवले जाईल. दोष दुरुस्त करून संबंधीत पार्ट बदलण्यासाठी ग्राहकाकडून कोणतेही शुल्क आकारले जाणार नाही, असेही कंपनीने म्हटले आहे.