खोदकामाचा छंद...करणार का श्रीमंत ?

कोणताही छंद नाही, अशी व्यक्ती दुर्मिळ आहे. अनेकांना अनेक प्रकारचे छंद असतात. त्यांच्यापैकी काहींना अद्भूत छंद जडलेले असतात. खोदकामाचा छंद हा त्यांच्यापैकीच एक आहे. अशा व्यक्ती अकल्पित अशा स्थानी खोदकाम करतात आणि कित्येकदा त्यांच्या हाती अद्भूत वस्तू लागतात, ज्यांच्यामुळे त्यांचे भाग्य उजळते. अशा अनेक घटना जगात आजवर घडलेल्या आपण पहातो. अशा खोदकामात अशा वस्तू काहीवेळा सापडतात की आपला विश्वास बसत नाही.

सध्या असाच एक व्हिडीओ प्रसिद्ध झाला आहे. तो लक्षावधी लोकांनी पाहिला आहे. त्यात एका व्यक्तीला खोदकाम करताना एक अशी वस्तू मिळाली आहे की ती सापडेल अशी त्याने स्वत:ही अपेक्षा केली नव्हती. या व्यक्तीला वेगवेगळ्या प्रकारचे दगड खोदून त्यांचे परिक्षण करण्याचा छंद आहे. अशा खोदकामात एका स्थानी त्याचे ड्रिलिंग मशिन अडल्यामुळे त्याने पाहिले, तेव्हा त्याला ही वस्तू दिसून आली. ते एक मौल्यवान आणि प्राचीन लॉकेट होते. आकाराने मोठे असणाऱ्या या प्राचीन काळातील लॉकेटची किंमत काही दशलक्ष डॉलर म्हणजे कोट्यावधी रुपये आहे, असे अनेकांचे म्हणणे आहे. तथापि, या व्हीडीओवर शंकाही घेण्यात येतात.

काही दर्शकांच्या म्हणण्यानुसार या व्यक्तीने स्वत:च प्रथम एक जुने लॉकेट त्या  स्थानी ठेवले असावे आणि नंतर या लॉकेटची किंमत वाढविण्यासाठी ते खोदकामात सापडल्याचे नाटक केले असावे. काहींनी हा व्हिडीओच बनावट असल्याची शंका व्यक्त केली आहे. मात्र, तो खरा असेल तर मात्र, ही व्यक्ती कोट्याधीश होणार यात शंका नाही. मात्र, या व्यक्तीचे नाव आणि देश यांचा उल्लेख या व्हिडीओत नसल्याने अनेक शंका उपस्थित केल्या जात आहेत.