या निवडणूकीत इतिहास घडविणार - विशाल परब

सातार्डा पंचक्रोशीत प्रचाराला भरभरून प्रतिसाद

सातार्डा -
सावंतवाडी विधानसभा मतदारसंघातील तरुणांना, युवतींना रोजगार देण्यासाठी प्रयत्न राहतील. आरोग्य विषयक सुविधा देण्यात येतील. वेगाने विकासकामे करण्यात येतील. या निवडणुकीत इतिहास घडविणार असून आपला विजय निश्चित असल्याचे प्रतिपादन विधानसभेचे अपक्ष उमेदवार विशाल परब यांनी सातार्डा - घोगळवाडी येथे केले.गुरुवारी विधानसभेचे सावंतवाडी मतदार संघाचे अपक्ष उमेदवार विशाल परब यांनी सातार्डा, साटेली, कवठणी गावांमध्ये वाडीवार सभा घेतल्या. वाडीमधील तरुण, तरुणी , महिलांनी श्री परब यांच्या प्रचाराला भरभरून प्रतिसाद दिला. घोगळवाडीमध्ये अपक्ष उमेदवार विशाल परब यांचे स्वागत करण्यात आले. यावेळी आपा तुळसकर,रुपेश मांजरेकर,गणेश सातार्डेकर,जयेश तुळसकर,रवि मांजरेकर,सगुण पारिपत्ये बबलू राऊळ,शुभम सातार्डेकर, नितीन मांजरेकर, दीपक सातार्डेकर, हर्षदीप मेस्त्री, भास्कर मेस्त्री, पंकज मेस्त्री व महिला उपस्थित होत्या.