हिरोचे मॅव्हरिक 440 मॉडेल बंद

चांगल्या प्रतिसादाअभावी कंपनीने घेतला निर्णय

नवी दिल्ली :

हिरो मोटोकॉर्पने आता भारतात त्यांची सर्वात शक्तिशाली बाईक हिरो मॅव्हरिक 440 बंद केली आहे. मीडिया रिपोर्ट्सनुसार, काही डीलरशिपनी बुकिंग घेणे बंद केले आहे. तथापि, कंपनीने अद्याप ही मोटरसायकल त्यांच्या अधिकृत वेबसाइटवरून अनलिस्ट केलेली नाही. कमी प्रतिसादामुळे हिरोने मॅव्हरिक 440 चे उत्पादन आणि बुकिंग थांबवले असल्याची माहिती आहे.

गेल्या वर्षी झाली होती लाँच

हिरो मोटोकॉर्पने गेल्या वर्षी 14 फेब्रुवारी रोजी भारतीय बाजारात हिरो मॅव्हरिक 440 लाँच केली होती. हिरो मोटोकॉर्पची नेकेड स्ट्रीट बाईक मूळत: हिरो मोटोकॉर्प आणि हार्ले यांनी संयुक्तपणे विकसित केलेल्या हार्ले-डेव्हिडसन एक्स 440 ची भारतीय आवृत्ती होती.

हिरो मोटोकॉर्प भारतात हार्ले डेव्हिडसन मॉडेल्स देखील बनवते. आकर्षक लूक आणि शक्तिशाली इंजिनसह सुसज्ज, या बाईकची सुरुवातीची किंमत 1.99 लाख रुपये निश्चित करण्यात आली होती. ज्यामुळे ती हार्लेच्या मॉडेलपेक्षा खूपच स्वस्त झाली होती.