गोव्यात आज जोरदार पावसाची शक्यता

पणजी : राज्यात आज गुरुवारी जोरदार पावसाची शक्यता हवामान खात्याने व्यक्त केली असून आजच्यासाठी येलो अलर्ट जारी झाला आहे. गोव्याला परतीच्या पावसाची झळ बसायला सुऊवात झाली आहे. गोव्याच्या पूर्वोत्तर भागात दुपारनंतर जोरदार पाऊस पडत असतो. मंगळवारप्रमाणेच बुधवारीदेखील गोव्यात सर्वत्र ढगाळ वातावरण होते. आज व उद्या गोव्यात ढगाळ हवामान राहील. या दरम्यान जोरदार पावसाची शक्यता आहे. गेल्या 24 तासात मान्सून सक्रिय नव्हता. त्यामुळे अत्यल्प प्रमाणात गोव्यात पावसाची नोंद झाली. अनेक भागात मध्यम तथा हलक्या स्वरूपात पाऊस पडून गेला. पणजीत रात्री उशिरापर्यंत पावसाची रिपरिप चालूच होती. मात्र पावसाचे प्रमाण हे अत्यल्प राहिले. आज पावसाचे प्रमाण किंचित जास्त राहील, असा अंदाज आहे.