लोककल्पतर्फे आरोग्य तपासणी शिबिर

बेळगाव : लोककल्प फौंडेशन व सेंट्रा केअर हॉस्पिटल यांच्या संयुक्त विद्यमाने कॅम्प येथील लोकमान्य सोसायटीच्या शाखेमध्ये आरोग्य तपासणी शिबिर घेण्यात आले. 60 हून अधिकजणांनी याचा लाभ घेतला. सेंट्रा केअरच्या डॉ. अनिता ताशीलदार, नर्स अनुस कुरी, प्रज्योत हिरेमठ, पीआरओ विनायक ताम्हणकर, लोकमान्यचे शाखा व्यवस्थापक रोहन मेंहदळे, लोकमान्य सीएसआर विभागाचे निशांत जाधव व आरएमएम परास पाटील यावेळी उपस्थित होते. यावेळी बीपी, शुगर तसेच अन्य तपासणी करून रुग्णांना योग्य तो सल्ला देण्यात आला. शिबिराबद्दल लाभार्थींनी आयोजकांना धन्यवाद दिले.