एचडीएफसी लाइफकडून 4,596 कोटींचा बोनस जाहीर

वृत्तसंस्था/मुंबई

भारतातील आघाडीच्या आयुर्विमा कंपन्यांमध्ये गणल्या जाणाऱ्या एचडीएफसी लाइफने कंपनीच्या 16 एप्रिल 2026 रोजी झालेल्या बोर्डाच्या बैठकीत 4,596 कोटींचा बोनस जाहीर केला. कंपनीने हा बोनस जाहीर करून पॉलिसीधारकांना दीर्घकालीन मूल्य देण्याचे आपले वचन पूर्ण केले आहे. हा एचडीएफसी लाइफने आजवर जाहीर केलेला सर्वाधिक बोनस असून, याचा लाभ 22.2 लाख पार्टिसिपेटिंग पॉलिसीधारकांना मिळणार आहे. कंपनीचा पॉलिसीधारकांना प्राधान्य देणारा दृष्टीकोन, सातत्यपूर्ण कामगिरी व चतुर आर्थिक व्यवस्थापन यांतून अधोरेखित होते.

जाहीर केलेल्या एकूण बोनसपैकी अंदाजे 3,761 कोटी रुपये आर्थिक वर्ष 27 मध्ये मॅच्युरिटी किंवा सर्वायव्हल पेआउटच्या स्वरूपात दिला जाणार आहे. उर्वरित बोनस पॉलिसीधारकांच्या खात्यात जमा केला जाणार असून, तो पॉलिसीच्या नियम व अटींनुसार भविष्यकाळात देय ठरेल. एचडीएफसी लाइफच्या अपॉइंण्टेड अॅक्चुअरी व चीफ अॅक्चुअरी ईश्वरी मुरुगम या घोषणेबद्दल म्हणाल्या: “आमच्या वार्षिक बोनसची घोषणा म्हणजे पॉलिसीधारकांसाठी दरवर्षी स्थिर दीर्घकालीन मूल्यनिर्मिती करण्याच्या आमच्या वचनाची पूर्तता आहे.

पॉलिसीधारकांनी आमच्यावर टाकलेल्या विश्वासामुळे आम्हाला बाजारांतील सर्व चढउतारांमध्ये सातत्याने खात्रीशीर निष्पत्ती देण्यासाठी प्रेरित करतो. चतुर वित्तीय व्यवस्थापन, ग्राहककेंद्री नवोन्मेष आणि आम्ही सेवा देत असलेल्या प्रत्येक भारतीय कुटुंबाच्या आर्थिक सुरक्षिततेची खात्री यांवर लक्ष केंद्रित करून आम्ही काम करतो. ‘2047 सालापर्यंत सर्वांसाठी विमा’ या उद्योगक्षेत्राच्या व्यापक उद्दिष्टाशी सुसंगती राखण्यासाठी आम्ही प्रयत्नशील आहोत.” एचडीएफसी लाइफचे शिस्तबद्ध गुंतवणूक धोरण, भक्कम जोखीम व्यवस्थापन आणि शाश्वत वाढीवर दिला जाणारा भर या बोनसच्या घोषणेतून दिसून येतो. त्यामुळे पॉलिसीधारकांना स्थिर व अपेक्षित बोनस खात्रीने मिळतो.

गतीशील स्थूलआर्थिक वातावरणात आर्थिक लवचिकता टिकवून ठेवतानाच पॉलिसीधारकांसाठी स्थिर मोबदला निर्माण करण्याची कंपनीची क्षमताही यातून अधोरेखित होते. वार्षिक बोनस पार्टिसिपेटिंग धोरणांसाठी जाहीर केला जातो आणि कंपनीच्या आर्थिक ताकदीचा व कार्यात्मक स्थैर्याचा तो महत्त्वाचा निदर्शक आहे. विविध पोर्टफोलिओंमध्ये गुंतवणुकीचे विभाजन करून तसेच ग्राहककेंद्री दृष्टीकोन ठेवून एचडीएफसी लाइफ गेल्या अनेक वर्षांपासून उत्तम बोनस जाहीर करत आली आहे.