हरियाणा स्टीलर्सचा बेंगळूरवर विजय

वृत्तसंस्था / नोएडा

2024 च्या प्रो कबड्डी लीग स्पर्धेतील येथे खेळविण्यात आलेल्या सामन्यात हरियाणा स्टिलर्सने बेंगळूर बुल्सचा 32-26 अशा 6 गुणांच्या फरकाने पराभव करत पुन्हा स्पर्धेच्या गुणतालिकेत आघाडीचे स्थान मिळविले आहे.

विनयच्या नेतृत्वाखालील हरियाणा स्टिलर्सने या सामन्यात दर्जेदार खेळ केला. कर्णधार विनयने सुपर 10 गुण नोंदविले. बेंगळूर बुल्सतर्फे अक्षित आणि नितिन रावल यांची कामगिरी बऱ्यापैकी झाली. या स्पर्धेत गेल्या पाच सामन्यात बेंगळूर बुल्स संघाला विजय नोंदविता आलेला नाही. सामनासुरू झाल्यानंतर पहिल्या चार मिनिटातच हरियाणा स्टिलर्सला विनयने पहिले चार गुण मिळवून दिले. तर प्रदीप नरवालने बेंगळूर बुल्सचे खाते उघडले. सामन्याच्या मध्यंतरापर्यंत हरियाणा स्टिलर्सने बेंगळूर बुल्सवर 21-12 अशी 9 गुणांची आघाडी मिळविली होती. सामन्याच्या उत्तराधार्थ जय भगवानच्या चढाईवर मोहम्मडेझा शदलोई बाद झाला. तसेच राहुललाही लवकर बाद करत हरियाणा स्टिलर्सचे सर्व गडी बाद झाले. याकामिगरीमुळे दोन्ही संघातील गुणांचाफररक खूपचकमी झाला. हरियाणा स्टिलर्स यावेळी 5 गुणांनी आघाडीवर होता. विनयने सुपर 10 गुण नोंदविले. सामना संपण्यास 6 मिनिटे बाकी असताना बेंगळूर बुल्सचा संघ 7 गुणांनी पिछाडीवर होता. शेवटी हरियाणा स्टिलर्सने हा सामना 6 गुणांच्या फरकाने जिंकला.