हरियाणा स्टीलर्सची तामिळवर मात

वृत्तसंस्था / नोएडा

2024 च्या प्रो कबड्डीr लीग स्पर्धेतील येथे खेळविण्यात आलेल्या अटितटिच्या सामन्यात हरियाणा स्टिलर्सने तामिळ थलैवासचा 36-29 अशा सात गुणांच्या फरकाने पराभव केला. स्पर्धेच्या गुणतालिकेत हरियाणाचा संघ आघाडीवर आहे. या स्पर्धेतील झालेल्या अन्य एका सामन्यात जयपूर पिंक पॅथर्सने पुणेरी पल्टनचा 30-28 अशा 2 गुणांच्या फरकाने पराभव केला.

हरियाणा स्टिलर्स आणि तामिळ थलैवास यांच्यातील सामन्यात हरियाणा संघातील मोहम्मदड्रेझा शदलोयु याने 7 गुण नोंदविले. सामन्याच्या पूर्वाधार्थ दोन्ही संघांनी आपल्या चढायांवर गुण मिळविण्यासाठी शिकस्त केली. सामना सुरू झाल्यानंतर पहिल्या 10 मिनिटांत हरियाणा स्टिलर्सने तामिळ थलैवासवर आघाडी मिळविली. त्यानंतर तामिळ थलैवासने हरियाणा स्टिलर्सचे सर्वगडी बाद केले. सामन्याच्या मध्यंतरापर्यंत हरियाणाने तामिळ थलैवासवर 17-14 अशा तीन गुणांची आघाडी मिळविली होती. सामन्याच्या उत्तराधार्थ हरियाणा स्टिलर्सचा खेळ तामिळ थलैवासच्या तुलनेत अधिक आक्रमक झाल्याने हरियाणा स्टिलर्सने हा सामना 7 गुणांच्या फरकाने जिंकला. शेवटच्या 5 मिनिटांमध्ये तामिळ थलैवासचे सर्वगडी बाद झाले.