‘गार्जियन’मध्ये हंसिका मोटवानी

ओटीटीवर उपलब्ध चित्रपट

हॉरर चित्रपट गार्जियन हा अखेर ओटीटीवर प्रदर्शित होणार आहे. चित्रपटात अभिनेत्री हंसिका मोटवानी मुख्य भूमिकेत आहे. या चित्रपटाची कहाणी अपर्णा नावाच्या व्यक्तिरेखेभोवती घुटमळणारी आहे. चित्रपटात अपर्णा ही व्यक्तिरेखा हंसिकाने साकारली आहे. अपर्णा ही एक आर्किटेक्ट असून स्वत:ला कमनशिबी मानत असल्याचे दाखविण्यात आले आहे.

या चित्रपटात हंसिकासोबत सुरेश मेनन, श्रीमन राजेंद्रन, प्रदीप रेयान, टायगर गार्डन थंगादुरई आणि अन्य कलाकार दिसून येणार आहेत. गुरुसरवनन यांनी याची पटकथा, संवाद आणि कहाणवर काम केले आहे. तर सबरी यांनी या चित्रपटाचे दिग्दर्शन केले आहे.

हंसिका मोटवानीने तेलगू चित्रपट देसमुदुरुच्या माध्यमातून दाक्षिणात्य चित्रपटसृष्टीत पदार्पण केले होते. यानंतर तिने कन्नड, तमिळ आणि मल्याळी चित्रपटांमध्ये काम करत स्वत:चे स्थान निर्माण केले आहे. हंसिका मोटवानीचा गार्जियन हा चित्रपट आता ओटीटीवर उपलब्ध झाला आहे.