युपी योद्धासकडून गुजरात पराभूत

वृत्तसंस्था/हैद्राबाद

2024 च्या प्रो कब•ाr लीग स्पर्धेतील येथे खेळविण्यात आलेल्या थरारक सामन्यात युपी योद्धासने गुजरात जायंटस्चा 35-29 अशा सहा गुणांच्या फरकाने पराभव केला.

या सामन्यात युपी योद्धासतर्फे भरतने 13 तर भवानी राजपूतने 9 गुण नोंदविले. गुजरात जायंटसतर्फे राकेशने 8 गुण नोंदविले. गुजरात जायंटस् संघातील  गुमानसिंग आणि सोमवीर यांच्या आक्रमक चढायांमुळे युपी योद्धासवर चांगलेच दडपण आले. त्यानंतर भवानी राजपूतच्या शानदार पकडीमुळे मध्यंतरापुर्वीच युपी योद्धासने सामन्याला कलाटणी दिली. महिंद्रासिंगच्या कामगिरीमुळे गुजरात जायंटस्चे सर्व गडी बाद झाले आणि त्यामुळे मध्यंतरावेळी युपी योद्धासने गुजरातवर 19-17 अशी आघाडी मिळविली होती. सामन्याच्या उत्तराधार्थ युपी योद्धासच्या खेळाडूंनी बचावात्मक खेळावर भर देणाऱ्या गुजरात जायंटस्च्या खेळाडूंची दमछाक केली. युपी योद्धासने हा सामना अखेर सहा गुणांच्या फरकाने जिंकला. या स्पर्धेत गुणतालिकेत युपी योद्धास संघ 16 गुणांसह दुसऱ्या स्थानावर असून त्यांचा पुढील सामना बुधवारी स्टिलर्सबरोबर होईल.