दोन-तीन दिवसात ‘गृहलक्ष्मी’ची रक्कम खात्यावर : हेब्बाळकर

बेंगळूर : महिला आणि बालकल्याण मंत्री लक्ष्मी हेब्बाळकर यांनी गृहलक्ष्मी योजनेतील ऑगस्ट महिन्यातील रकमेबाबत महत्त्वाची माहिती दिली आहे. दोन-तीन दिवसांत गृहलक्ष्मी योजनेतील लाभार्थ्यांच्या खात्यावर ऑगस्ट महिन्यातील रक्कम जमा केली जाईल, असे त्यांनी सांगितले आहे. गुरुवारी हासन जिल्ह्यातील हासनांबे देवीच्या दर्शनप्रसंगी रांगेत थांबलेल्या भाविकांनी त्यांना तीन महिन्यांची रक्कम अद्याप जमा झाली नसल्याचे सांगितले. त्यावर प्रतिक्रिया देताना मंत्री हेब्बाळकर यांनी जुलै महिन्यापर्यंतची रक्कम जमा झाली आहे. ऑगस्ट महिन्यातील रक्कम देण्यात आली असून दोन-तीन दिवसात गृहलक्ष्मी योजनेच्या लाभार्थ्यांच्या खात्यावर जमा होणार असल्याचे सांगितले.