ग्रो कंपनीचा समभाग वधारला

मुंबई : ऑनलाईन ब्रोकिंग कंपनी ग्रोचा समभाग गुरूवारी बीएसईवर इन्ट्राडे दरम्यान 17 टक्के इतका दणदणीत वाढलेला पहायला मिळाला. सदरचा समभाग 17 टक्के वाढीसोबत 153 रुपयांवर कार्यरत होता. इशुप्राईस 100 रुपयांच्या तुलनेमध्ये पाहता कंपनीचा समभाग सध्याला 53 टक्के इतका वाढलेला पहायला मिळाला आहे. गुंतवणूकदारांना आताच हा उत्तम परतावा प्राप्त करता आला आहे. बुधवारी हा समभाग 31 टक्के वाढीसह 130 रुपयांवर पोहोचला होता. कंपनीचे बाजार भांडवल मूल्य समभागाच्या वाढीमुळे 1 ट्रिलीयनवर पोहोचले आहे.