सरकारने रा. स्व. संघावर बंदी घातलेली नाही : सिद्धरामय्या

बेंगळूर : सरकारने रा. स्व. संघावर बंदी घातलेली नाही. शाळा-महाविद्यालयांच्या आवारात संघ-संस्थांनी कार्यक्रम/उपक्रम राबविण्यासाठी परवानगी घ्यावी असे आदेशात म्हटले. आदेशात रा. स्व. संघाचा कोठेही उल्लेख नाही, असे स्पष्टीकरण मुख्यमंत्री सिद्धरामय्या यांनी दिले आहे. सोमवारी पुत्तूर येथील कार्यक्रमानंतर पत्रकारांशी बोलताना ते म्हणाले, सरकारने जारी केलेल्या आदेशात कोणताही संघ-संस्था असा उल्लेख आहे. मागील भाजप सरकारने दिलेल्या आदेशाचाच आम्ही पुनरुच्चार केला आहे. ते आदेश जारी करू शकतात, आम्ही करायचे नाही का, असा प्रश्नही त्यांनी उपस्थित केला. 2013 मध्ये जगदीश शेट्टर मुख्यमंत्री असताना संघ-संस्थांना शाळा-महाविद्यालयांच्या आवारात उपक्रम राबविण्यावर निर्बंध घालण्यात आले होते, अशी टिप्पणी सिद्धरामय्या यांनी केली.