For the best experience, open
https://m.tarunbharat.com
on your mobile browser.

गोवा फुटबॉल संघटनेच्या अध्यक्षपदासाठी कायतान फर्नांडिस आणि वालांका आलेमांव यांच्यात लढत

11:59 AM Oct 26, 2026 IST | Tarun Bharat Portal
गोवा फुटबॉल संघटनेच्या अध्यक्षपदासाठी कायतान फर्नांडिस आणि वालांका आलेमांव यांच्यात लढत
Advertisement
मडगाव / प्रतिनिधी : गोवा फुटबॉल संघटनेच्या (जीएफए) अध्यक्षपदासाठी विद्यमान अध्यक्ष कायतान फर्नांडिस आणि चर्चिल ब्रदर्स एफसी गोवाच्या मुख्य कार्यकारी अधिकारी वालांका आलेमांव यांच्यात थेट लढत होणार आहे. जीएफएची निवडणूक 27 ऑक्टोबर रोजी ओशेल येथील डॉन बॉस्को प्रोव्हिन्शियल हाऊसमध्ये दुपारी 3 वाजता होणार आहे. या निवडणुकीसाठी एकूण 158 क्लब मतदानास पात्र आहेत.

अध्यक्षपदासह तीन उपाध्यक्ष, खजिनदार आणि कार्यकारिणी सदस्यांची निवड या निवडणुकीतून होणार आहे. महिला उपाध्यक्षपदासाठी वालांका आलेमांव आणि काजोल मंगेशकर यांच्यात थेट लढत होणार आहे. सदस्यपदाच्या महिला प्रतिनिधीसाठी काजोल मंगेशकर यांची एकमेव अर्ज आल्याने बिनविरोध निवड झाल्याचे वृत्त आहे.

Advertisement

दोन पुरुष उपाध्यक्षपदांसाठी अँड्र्यू फॅर्राव, अँथनी पांगो, बाबली मांद्रेकर आणि फ्रान्सिस फर्नांडिस हे उमेदवार रिंगणात आहेत. खजिनदारपदासाठी रवींद्र जोस काब्राल आणि शुबर्ट फुर्तादो यांच्यात सामना होणार आहे.

जीएफए कार्यकारिणीवरील सदस्यपदांसाठी अँथनी लिओ फर्नांडिस, कॉन्स्तानसियो रॉड्रिग्ज, कॉन्स्तानतिनो कायादो, कॉज्मे ओलिव्हेरा, जॉन परेरा, लक्ष्मण हडफडकर, लॅविनो अँथनी परेरा, मनोज केणी, पॅटिसियो डिसोझा, सावियो मिस्कीता, सॅवेरिन फर्नांडिस आणि उदय लिंगुडकर असे 12 उमेदवार निवडणूक रिंगणात आहेत.

Advertisement

अध्यक्षपदासाठी दोन प्रमुख उमेदवार आमनेसामने असल्याने या निवडणुकीकडे गोव्यातील फुटबॉल क्षेत्राचे लक्ष लागले आहे. 158 पात्र क्लबच्या मतदानातून जीएफएच्या आगामी नेतृत्वाची निवड होणार आहे.

Advertisement
Tags :

.