रेडरेबन मॅरेथॉनमध्ये वैभव विजेता

क्रीडा प्रतिनिधी/बळगाव

कर्नाटक राज्य एड्स प्रेवेन्शन सोसायटी मार्फत राज्य पातळीवरील रेड रिबन मॅरेथॉन ज्योती क्लबचा खेळाडू वैभव पाटील यांनी आपल्या गटात प्रथम क्रमांक पटकावित रोख रक्कमेचे बक्षीस पटकावित राष्ट्रीय स्पर्धेसाठी त्याची निवड झाली आहे.

बेळगाव येथील जिल्हा क्रीडांगणवर ही मॅरेथॉन कॉलेज विद्यार्थ्यांसाठी ही स्पर्धा  घेण्यात आली. यामध्ये कर्नाटक राज्यातून प्रत्येक जिह्यातील दोन विद्यार्थ्यांची निवड करण्यात आली होती. ज्योती अॅथलेटिक्स स्पोर्ट्स क्लबचा खेळाडू वैभव माऊती पाटील बिदरभावी, ता खानापूर चा खेळाडू बेंगलोर जिह्याचे प्रतिनिधित्व करत प्रथम क्रमांक पटकाविला. त्याला 25 हजार रुपये रोख, सुवर्णपदक व प्रमाणपत्र देवुन गौरविण्यात आले. गोवा येथे होणाऱ्या राष्ट्रीय पातळीसाठी त्याची निवड झाली आहे. त्याला एनआयएस प्रशिक्षक रमित व ज्योती अॅथलेटिक स्पोर्ट्स क्लबचे ज्येष्ठ प्रशिक्षक एल. जी. कोलेकर, अनिल गोरे यांचे मार्गदर्शन लाभत आहे.