ग्लोबल सिग्नेचरचा तिमाही तोटा 19 कोटीवर

वृत्तसंस्था/ नवी दिल्ली

रिअल इस्टेट कंपनी सिग्नेचर ग्लोबलचा चालू आर्थिक वर्ष 2023-24 च्या दुसऱ्या (जुलै-सप्टेंबर) तिमाहीत एकत्रित निव्वळ तोटा 19.92 कोटी रुपयांवर पोहचला आहे. गेल्या वर्षी याच कालावधीत कंपनीचा निव्वळ तोटा 59.25 कोटी रुपये राहिला होता.

शेअर बाजाराला दिलेल्या माहितीत सिग्नेचर ग्लोबलने सांगितले की, 2023-24 या आर्थिक वर्षातील जुलै-सप्टेंबर या कालावधीत एकूण उत्पन्न घटून 121.16 कोटी रुपये झाले आहे. गेल्या वर्षी याच कालावधीत ते 135.68 कोटी रुपये होते.

दुसऱ्या तिमाहीत एकूण खर्च 144.84 कोटी रुपयांवर घसरला आहे, जो मागील वर्षी याच कालावधीत 223.33 कोटी रुपये होता. सिग्नेचर ग्लोबलने गुरुग्राम कॉमर्स प्रायव्हेट लिमिटेडमधील 100 टक्के स्टेक घेण्यासाठी निश्चित करारावर स्वाक्षरी केल्याची घोषणा केली. गुरुग्राम कॉमर्स प्रायव्हेट लिमिटेडकडे सेक्टर 71 गुरुग्राममध्ये 25.14 एकर जमीन आहे.