‘पार्ले-जी’च्या सीईओपदी जॉर्ज कुवर

कंपनीचे भारत, आशिया आणि आफ्रिकामध्ये जवळपास 75 लाखांहून अधिकचे रिटेल आउटलेट्सचे जाळे

वृत्तसंस्था/मुंबई

पार्ले बिस्किट्सने पेप्सिकोचे माजी कार्यकारी अधिकारी जॉर्ज कूवर यांची सीईओपदी नियुक्ती केली आहे. कूवर यांनी पेप्सिकोमध्ये तीन दशकांहून अधिक काळ काम केले आहे. पेप्सिकोमध्ये त्यांनी ग्राहक व्यवसाय आणि वैयक्तिक बाजारपेठांशी संबंधित जबाबदाऱ्या सांभाळल्या. पार्ले बिस्किट्सचे व्यवस्थापकीय संचालक अजय चौहान म्हणाले की, जॉर्ज यांचे कंपनीत स्वागत आहे. त्यांच्या आधीच्या अनुभवाचा भविष्यात कंपनीच्या वाढीसाठी निश्चितच फायदा होईल, अशी आशा आहे. कंपनीला पुढे नेण्यासाठी, तिची बलस्थाने अधिक मजबूत करण्यासाठी आणि विकासाचे नवीन मार्ग खुले करण्यासाठी जॉर्ज यांच्यासोबत मिळून काम करण्यास आपण उत्सुक असल्याचेही त्यांनी यावेळी म्हटले आहे.

30 वर्षांपेक्षा अधिक अनुभव

जॉर्ज कूवर यांना ग्राहक वस्तू क्षेत्रात 30 वर्षांहून अधिक अनुभव आहे. पेप्सिकोमधील त्यांच्या प्रदीर्घ कार्यकाळात, त्यांनी विविध देशांतील अनेक प्रमुख व्यवसाय विभाग आणि बाजारपेठांमध्ये नेतृत्वाची भूमिका बजावली आहे. त्यांच्या अनुभवामुळे पार्लेला आपला देशांतर्गत आणि आंतरराष्ट्रीय व्यवसाय एका नवीन स्तरावर नेण्यास फायदा होईल.

भारतात मजबूत रिटेल आउटलेट्सचे जाळे

पार्लेचे वितरण जाळे भारतातील 75 लाखांहून अधिक रिटेल आउटलेट्सपर्यंत पसरलेले आहे. कंपनीने आशिया आणि आफ्रिकेसह आंतरराष्ट्रीय बाजारपेठांमध्येही आपला विस्तार केला आहे.

 कंपनीची सुरुवात 1929 मध्ये

पार्लेची स्थापना 1929 मध्ये मुंबईतील पार्ले येथे झाली. पार्ले बिस्किटे आणि मिठाईच्या व्यवसायात आहे. त्याच्या ब्रँड्समध्ये पार्ले-जी, मोनॅको, क्रॅकजॅक, हाइड अँड सीक आणि मेलडी यांचा समावेश आहे.