Nitin Gadkari on E 20 | मीम्सचा पाऊस आणि जेन झींची E 20 चळवळ...केंद्रीय मंत्री गडकरी जाणार कोर्टात

आम आदमी पार्टीचे (आप) राष्ट्रीय संयोजक अरविंद केजरीवाल यांनी सोमवारी ई२० आणि गडकरी यांच्या विरोधात जनतेचा पाठिंबा मिळवण्यासाठी येत्या वीकेंडला 'नॅशनल टाऊन हॉल'ची घोषणा केली. केजरीवाल म्हणाले की, या मुद्द्यावर पुढील आठवड्यात पंतप्रधान नरेंद्र मोदी यांना २ लाखांहून अधिक याचिका सुपूर्द करण्याची त्यांना अपेक्षा आहे.

यासंदर्भात आपली भूमीका मांडताना केजरीवाल पुढे म्हणाले “या देशातील तरुणांनी एका अहंकारी सरकारला नमवले आहे, ज्यामुळे धर्मेंद्र प्रधान यांना राजीनामा द्यावा लागला . आता, मी पंतप्रधानांना विनंती करतो की, ई-२० च्या मुद्द्यावर मोठे आंदोलन होण्यापूर्वी तोही सोडवावा,” https://x.com/ArvindKejriwal/status/2081631768218923044

दोन लाख पत्रे

आम आदमी पक्षाने सुरू केलेल्या ऑनलाईन याचिकेवर आतापर्यंत दोन लाखांहून अधिक पत्रे मिळाली आहेत, असे त्यांनी सांगितले. “मी ही पत्रे पुढच्या आठवड्यात पंतप्रधानांच्या निवासस्थानी घेऊन जाणार आहे,” असे ते म्हणाले.

प्रमुख विरोधी पक्ष असलेल्या काँग्रेसनेही इथेनॉल धोरण मागे घेण्याची मागणी केली आहे. पक्षाचे राष्ट्रीय प्रवक्ते कुलदीप सिंह राठोड यांनी या महिन्याच्या सुरुवातीला आरोप केला होता की, हे धोरण "पुरेशा वैज्ञानिक पडताळणीशिवाय आणि देशभरातील लाखो वाहन मालकांच्या जीवावर" राबवले जात आहे.