स्नान न करता डेटवर जात आहेत जेन-जी

डेटवर जाण्यापूर्वी चांगल्याप्रकारे तयार होणे, स्नान करणे अन् डियोडोरेंट लावणे आवश्यक असल्याचा विचार करत असाल तर जेन-जीचा एक नवा ट्रेंड तुम्हाला चकित करू शकतो. सोशल मीडियावर सध्या ‘फेरोमोन-मॅक्सिंग’ नावाचा ट्रेंड वेगाने व्हायरल होतोय. या ट्रेंडला फॉलो करणारे काही युवा डेटवर जाण्यापूर्वी स्नान, डियोडोरेंट लावणे आणि साफ कपडे परिधान करणेही टाळत आहेत.

शरीराचा नैसर्गिक गंध म्हणजेच बॉडी ओडर संभाव्य जोडीदारासाठी अधिक आकर्षक ठरू शकतो असे त्यांचे मानणे आहे. टिकटॉक समवेत अनेक सोशल मीडिया प्लॅटफॉर्म्सवर या ट्रेंडशी निगडित व्हिडिओ लाखो वेळा पाहिले गेले आहेत. अमेरिका आणि ब्रिटनचे जेन-जी या ट्रेंडवर टिकटॉक रील्सही तयार करत आहेत.

फेरोमोन-मॅक्सिंग ट्रेंड

माणसांचा नैसर्गिक गंध लपविण्याऐवजी तो राखला जावा असा फेरोमोन-मॅक्सिंगचा मूळ विचार आहे. या ट्रेंडला मानणारे लोक शरीरातून निघणारा नैसर्गिक गंध इतर लोकांना आकर्षित करू शकतो असा दावा करतात. याचमुळे काही लोक डेटपूर्वी डियोडोरेंट लावणे टाळतात. काही लोक तर अनेक आठवड्यांपर्यंत स्नान करणे सोडतात. अनेक लोक घामाने चिंब भिजलेला शर्ट परिधान करत स्वत:च्या जोडीदाराला भेटायला जात आहेत. यामुळे शरीराचा नैसर्गिक गंध कायम राहिला आणि जोडीदार आकर्षित होईल असे त्यांचे मानणे आहे.

आकर्षक वाढविण्यासाठी शरीराचा नैसर्गिक गंध कायम ठेवणे उपयुक्त असू शकते असे मानणाऱ्या युवांची संख्या वाढत आहे. हा ट्रेंड ‘लुक्समॅक्सिंग’ नावाच्या एका मोठ्या ऑनलाइन संस्कृतीशी देखील जोडलेला आहे. ज्यात लोक स्वत:ची आकर्षकता वाढविण्यासाठी वेगवेगळ्या पद्धती अवलंबितात. यातील काही पद्धती सामान्य असतात, तर काही अत्यंत विचित्र आणि अतिवादी देखील मानल्या जातात.

माणसांमध्ये असतात का फेरोमोन?

फेरोमोन असे रासायनिक संकेत असतात, ज्यांचा वापर अनेक प्राणी स्वत:चे वर्तन आणि प्रजननाशी निगडित संदेश देण्यासाठी करतात. प्राण्यांच्या जगात त्याचा प्रभाव चांगल्याप्रकारे नोंद झालेला आहे. परंतु माणसांच्या बाबतीत हे चित्र तितके  स्पष्ट नाही. माणसांमध्येही असे फेरोमोन असतात का हे समजून घेण्याचा प्रयत्न वैज्ञानिकांनी अनेक देशांपासून केला आहे. लोक अजाणतेपणी काही खास नैसर्गिक गंधांकडे आकर्षित होऊ शकतात असे काही संशोधनांमध्ये आढळून आले आहे. प्रसिद्ध ‘स्वेटी टी-शर्ट एक्सपेरिमेंट्स’मध्ये देखील असे संकेत मिळाले होते की, शरीराचा गंध आणि आकर्षणादरम्यान काही संबंध असू शकतो. परंतु आतापर्यंत माणसांमध्ये प्राण्यांप्रमाणे काम करणारे फेरोमोन अस्तित्वात आहेत या निष्कर्षावर वैज्ञानिक पोहोचलेले नाहीत.

सोशल मीडियावर ट्रेंड

फेरोमोन-मॅक्सिंगला एकच स्वरुपात पाहिले जाऊ शकत नाही. हे मॅक्सिंग कल्चरचा हिस्सा आहे. ज्यात लोक स्वत:च्या जीवनातील विविध पैलूंना ‘ऑप्टिमाइज’ करण्याचा प्रयत्न करतात. आकर्षण, नाते आणि डेटिंगला काही खास पद्धतींनी हॅक केले जाऊ शकते असा विचार ऑनलाइन समुदायांमध्ये लोकप्रिय होत आहे. अनेक युवा पुरुषांसाठी हा ट्रेंड डेटिंग, आत्मविश्वास आणि ओळखीशी निगडित चिंतांचे प्रतिबिंबही मानले जात आहे.

विज्ञान काय सांगते?

माणसांमध्ये थेटपणे एखाद्याला रोमँटिक किंवा आकर्षित करू शकतील असे फेरोमोन आहेत याबद्दल वैज्ञानिक समुदायात सध्या सहमती नाही. नैसर्गिक गंध आकर्षणात एक छोटी भूमिका बजावू शकतात असे संकेत काही संशोधनं देतात, परंतु हा प्रभाव इतका सरल नाही की त्याला स्नान करणे सोडून वाढविता येऊ शकेल. म्हणजेच डेटवर जाण्यापूर्वी स्नान करणे सोडणे तुम्हाला अधिक आकर्षक करेल या दाव्यामागे सध्या कुठलाच मजबूत वैज्ञानिक आधार नाही.

स्नान न केल्याने आकर्षण वाढणार का?

शरीराचा गंध आणि आकर्षणादरम्यान संबंध असल्यास तो अत्यंत जटिल आणि सूक्ष्म आहे. यामुळे केवळ स्नान करणे सोडणे किंवा डियोडोरेंट न लावून नियंत्रित केला जाऊ शकत नाही असे तज्ञांचे सांगणे आहे. शरीराचा गंध अनेक गोष्टींवर निर्भर असतो, यात व्यक्तीचे जेनेटिक्स, हार्मोन्स, त्वचेवरील बॅक्टेरिया आणि व्यक्तिगत साफसफाईच्या सवयी सामील आहेत. म्हणजेच केवळ शॉवर सोडल्याने एखाद्या व्यक्तीचे आकर्षक वाढेल असा कुठलाच मजबूत वैज्ञानिक पुरावा सध्या उपलब्ध नाही.