जेडीपी वाढीचा अंदाज 6.8 टक्कं राहणार

आर्थिक वर्ष 2027 साठी इंडिया रेटिंग्सने व्यक्त केला अंदाज : भू-राजकीय आव्हानांवर असणार नजर

वृत्तसंस्था, नवी दिल्ली

भारताच्या वास्तविक सकल देशांतर्गत उत्पादन (जीडीपी) वाढीचा अंदाज मे महिन्यातील 6.7 टक्क्यांवरून 10 बेसिस पॉइंट्सने वाढवून आर्थिक वर्ष 2026-27 साठी 6.8 टक्के राहणार असल्याचा अंदाज इंडिया रेटिंग्स अँड रिसर्चने मांडला आहे. याचे कारण म्हणजे जागतिक स्तरावर कच्च्या तेलाच्या किमती अपेक्षेपेक्षा कमी असण्याचे आहे.

दरम्यान, रेटिंग एजन्सीने इशारा दिला आहे की, एल निनो ट्रेंड आणि भू-राजकीय आव्हानांमुळे वाढ काहीशी संथ राहू शकते. यामुळे एजन्सीने भारताचा वाढीचा अंदाज राष्ट्रीय सांख्यिकी कार्यालयाच्या 7.6 टक्क्यांच्या तात्पुरत्या अंदाजापेक्षा खूपच कमी ठेवला आहे.

एजन्सीने आपल्या ‘मिड-इयर इकॉनॉमिक आउटलूक रिपोर्ट’मध्ये म्हटले आहे की, ‘आर्थिक वर्ष 2020 मधील जीडीपी वाढीस असलेल्या धोक्यांमध्ये भू-राजकीय घडामोडी (विशेषत: पश्चिम आशियातील न सुटलेले संघर्ष), वाढती एकूण महागाई, चलनाचे अवमूल्यन, अपेक्षेपेक्षा कमी जागतिक पतवाढ, आर्थिक वर्ष 2026 मधील अधिक मजबूत जीडीपी वाढ (बेस इफेक्ट) आणि विशेषत: एल निनोचे हंगामी कल यांचा समावेश आहे.

रशियन कच्चे तेल खरेदी केल्याबद्दल भारतावर 100 टक्के शुल्क लावण्याच्या अमेरिकन सरकारच्या अलीकडील घोषणेचाही यात समावेश आहे. ‘इंद्रा-आरएचे मुख्य अर्थतज्ञ देवेंद्र पंत यांनी एका पत्रकार परिषदेत सांगितले की, ‘या सकारात्मक बदलाचे कारण कच्च्या तेलाच्या किमतींमधील घट आहे.’ तथापि, मान्सूनशी संबंधित घटकांनी हा फायदा कमी केला आहे.’

एजन्सीने हंगामी धोके, विशेषत: एल निनोशी संबंधित धोके, हे भारताच्या कृषी उत्पादन आणि एकूण ग्राहक मूल्यांपुढील एक मूलभूत आव्हान असल्याचे ओळखले आहे. ते म्हणाले, ‘कमकुवत मान्सूनमुळे अन्न आणि पेयांच्या किमती आणि ग्राहक किंमत महागाईवर आधीच परिणाम झाला आहे.’ प्रतिकूल आधारभूत परिणामामुळे ऑक्टोबर 2026 पर्यंत अन्नधान्य महागाई वाढू शकते. इंद्रा रेटिंग्जनुसार, आर्थिक वर्ष 2027 मध्ये कृषी जीव्हीए वाढ 3 टक्क्यांवरून 2 टक्क्यांपर्यंत मंदावेल.