‘शिभा मंडल’ वेबसीरिजमध्ये गौहर

शिक्षणव्यवस्थेतील घोटाळय़ांचा होणार पर्दाफाश

एकामागोमाग एक ब्लॉकबस्टर हिट सीरिज दिल्यावर एमएक्स प्लेयर आता ‘शिक्षा मंडल’ ही सीरिज आणत आहे. ही सीरिज सत्यघटनेवर आधारित असूत यात भारतातील शिक्षण व्यवस्थेत होणारे घोटाळे दर्शविण्यात येणार आहेत.

एमएक्सच्या या सीरिजचे दिग्दर्शन सईद अहमद अफजल करत असून यात अभिनेत्री गौहर खान विशेष भूमिकेत दिसून येणार आहे. याचबरोबर गुलशन देवया आणि पवन मल्होत्रा देखील महत्त्वाची भूमिका साकारत आहेत.

या सीजिरमध्ये गौहर एका पोलीस अधिकाऱयाच्या भूमिकेत आहे. तर गुलशन देवया एका मेहनती तरुणाची भूमिका साकारतो. स्वतःच्या कुटुंबांच्या आकांक्षांची पूर्तता करण्यासाठी एक कोचिंद सेंटर चालविणाऱया युवकाच्या भूमिकेत गुलशन आहे. तर पवन मल्होत्रा यांनी यात खलनायकाची भूमिका साकारली आहे.

आगामी सामाजिक थ्रिलर शिक्षा मंडलचा पहिला लुक सादर करताना आनंद होतोय. एमएक्सद्वारे आम्ही भारतातील सर्वात प्रामाणिक  कहाणी सादर करण्याचा प्रयत्न करत आहोत असे उद्गार एमएक्स प्लेयरचे चीफ कंटेंट ऑफिसर गौतम तलवार यांनी काढले आहेत.