गरुड कन्स्ट्रक्शनचा आयपीओ दोन दिवसात 4.12 पट सबस्क्राइब

मुंबई : गरुड कन्स्ट्रक्शन अॅण्ड इंजिनिअरिंग लिमिटेडच्या प्रारंभिक सार्वजनिक ऑफर म्हणजेच आयपीओसाठी बोली लावण्याचा शेवटचा दिवस राहिला होता. आयपीओ दोन दिवसांत एकूण 4.12 पट सबक्राइब झाला. किरकोळ श्रेणीत 6.76 पट, पात्र संस्थात्मक खरेदीदारांनी 0.91 पट आणि गैर-संस्थात्मक गुंतवणूकदार  श्रेणीमध्ये 2.59 पटीने इश्यूची सदस्यता घेण्यात आली. कंपनीचे शेअर बॉम्बे स्टॉक एक्स्चेंज आणि नॅशनल स्टॉक एक्सचेंजवर 15 ऑक्टोबर रोजी सूचीबद्ध केले जातील. कंपनीला या इश्यूद्वारे 264.10 कोटी उभारायचे आहेत. यासाठी कंपनी 173.85 कोटी किमतीचे 18,300,000 ताजे शेअर्स जारी करत आहे. तर, कंपनीचे विद्यमान गुंतवणूकदार 90.25 कोटी किमतीचे 9,500,000 शेअर्स ऑफर फॉर सेल म्हणजेच ओएफएसद्वारे विकत आहेत.