For the best experience, open
https://m.tarunbharat.com
on your mobile browser.
Advertisement

ईव्हीच्या पूर्ण अवलंबनास लागणार सात वर्षे

06:20 AM Dec 20, 2023 IST | Tarun Bharat Portal
ईव्हीच्या पूर्ण अवलंबनास लागणार सात वर्षे

अल्ट्रा पॅसेंजर आगामी महिन्यात सादर होणार ,ग्रीव्हज थ्री व्हीलरच्या सीईओंचे स्पष्टीकरण

Advertisement

वृत्तसंस्था / बेंगळूर

भारतात ईव्हीचा पूर्ण अवलंब होण्यास 5-7 वर्षे किंवा त्याहून अधिक कालावधी लागू शकतो, असे ग्रीव्हज इलेक्ट्रिक मोबिलिटीच्या थ्री व्हीलर व्यवसायाचे सीईओ निर्मल एनआर यांनी म्हटले आहे. सध्याच्या सरकारी धोरणांनी इलेक्ट्रिक थ्री-व्हीलरच्या वापराला चालना देण्यात महत्त्वाची भूमिका बजावली आहे. त्याची गती स्थिर असली तरी जलद वाढीची अमर्याद क्षमता असल्याचेही त्यांनी स्पष्ट केले. निर्मल एनआर यांनी या वर्षाच्या सुरुवातीला झालेल्या ऑटो एक्स्पोमध्ये दाखविलेल्या तीनचाकी उत्पादनाबद्दल आणि कंपनीच्या उत्पादन सुविधेबद्दल यावेळी सविस्तर सांगितले आहे.

Advertisement

वाहन क्षेत्रासंदर्भातील अन्य बाबींवरील भाष्य...

Advertisement

  1. ऑटो एक्स्पोमध्ये प्रदर्शित केलेल्या उत्पादनांची सद्यस्थिती काय आहे?

ऑटो एक्स्पोमध्ये, आम्ही तीन तीनचाकी वाहने, इएलसी (इलेक्ट्रिक कार्गो), इएलपी (इलेक्ट्रिक पॅसेंजर्स) आणि आमचे स्वत:चे डिझाइन केलेले कन्सेप्ट वाहन प्रदर्शित केले होते. कन्सेप्ट व्हेईकल उपलब्ध होण्यासाठी बराच कालावधी लागणार आहे. अल्ट्रा कार्गोची पुढील आवृत्ती पुढील आर्थिक वर्षात येईल. याशिवाय अल्ट्राचे पॅसेंजर व्हेईकलही पुढील महिन्यात येणार आहे.

  1. ग्रीव्हजची उत्पादन सुविधा कोठे आहे आणि त्याची क्षमता काय आहे?

आमची उत्पादन सुविधा हैदराबाद येथे आहे आणि ती 25 एकरांमध्ये पसरलेली आहे. यापूर्वी हा एमएलआर ऑटोचा भाग होता, जो आमच्या अधिग्रहणानंतर ग्रीव्हज इलेक्ट्रिक मोबिलिटीचा भाग बनला आहे.

  1. दुचाकी आणि चारचाकी वाहनांच्या तुलनेत तीनचाकी वाहनांबाबत जागरूकता थोडी कमी असल्याचे दिसते. तुम्ही याकडे कसे पाहता?

कदाचित तीनचाकी वाहनांबाबत जागरुकतेच्या पातळीबाबत थोडासा गैरसमज झाला असेल. इलेक्ट्रिक वाहन विभागातील तीन-चाकी वाहनांची एकत्रित विक्री दरमहा सुमारे 1 लाख युनिट्स आहे, ज्यामध्ये एल3 आणि एल5 या दोन्ही श्रेणींचा समावेश आहे. यापैकी सुमारे 50,000 इलेक्ट्रिक थ्री-व्हीलर आहेत, जी बाजारपेठेत मजबूतता दर्शवत आहेत. व्यावसायिक हेतू लक्षात घेऊन इलेक्ट्रिक थ्री-व्हीलरचा वेगाने अवलंब केला जात आहे. अवजड वापरकर्त्यांसाठी इलेक्ट्रिक वाहनांचे फायदे अधिक स्पष्ट आहेत.

  1. ईव्हीमध्ये, पायाभूत सुविधा उभी करणे हे सर्वात मोठे आव्हान

आम्ही एल3 आणि एल5 या दोन्ही श्रेणींमध्ये वाहने बनवतो, विशेष चार्जिंग पायाभूत सुविधांची गरज नाही. घरांमध्ये आढळणारे नियमित 16-अँपिअर (घ्ए घ्ऊ 15 किंवा 16) प्लग वाहने चार्ज करण्यासाठी पुरेशी असतात. प्रत्येक वाहन त्याच्या स्वत:च्या चार्जरसह सुसज्ज आहेत. 16-एएमपी प्लगसह कोणत्याही ठिकाणी चार्जिंगला परवानगी देते. वाहनाची रेंज वाढवण्यासाठी आम्ही बॅटरीचा आकारही वाढवला आहे, जेणेकरून वापरकर्त्याला ती पुन्हा पुन्हा चार्ज करण्याची गरज भासणार नाही.

5.ग्रीव्हस संशोधन आणि विकासावर कसे काम करत आहे?

ग्रीव्हज कॉटन लिमिटेड 164 वर्षांची कंपनी आहे. इंजिन बनवणारी कंपनी म्हणून ती प्रसिद्ध आहे. आमच्या ऑपरेशन्सच्या केंद्रस्थानी संशोधन आणि विकासावर भर आहे, जो आमच्या अभियांत्रिकी प्रयत्नांचा पाया आहे. बेंगळुरूमध्ये असलेल्या आमच्या संशोधन आणि विकास केंद्रात सुमारे 400 अभियंत्यांची एक टीम आहे जी वाहन विकासाच्या विविध पैलूंवर सतत काम करत असतात. अभियंत्यांव्यतिरिक्त,  विक्रीनंतरची सेवा आणि इतर अनेक बाबींमध्ये गुंतलेल्या व्यक्तींचा समावेश आहे.

Advertisement
Tags :
×

.