लोककल्पतर्फे हब्बनहट्टी येथे मोफत नेत्र तपासणी शिबिर

बेळगाव : लोकमान्य सोसायटीच्या लोककल्प फाऊंडेशनने नंदादीप आयकेअरच्या सहकार्याने हब्बनहट्टी गावामध्ये मोफत नेत्रशिबिर घेतले. या शिबिरात मोतीबिंदूंची तपासणी करून निदान झालेल्या रुग्णांना पुढील उपचाराबाबत मार्गदर्शन करण्यात आले. लोकमान्यने खानापूर तालुक्यातील 32 गावे दत्तक घेतली असून तेथे आरोग्य आणि शैक्षणिक उपक्रम राबविण्यात येत आहेत. या अंतर्गत हे शिबिर पार पडले. याप्रसंगी नंदादीप आयकेअरचे पीआरओ आनंद, ऑप्टिमेस्ट्रीस्ट व इतर कर्मचारी उपस्थित होते. 87 जणांनी शिबिराचा लाभ घेतला. या शिबिराबद्दल ग्रामस्थांनी लोककल्प व नंदादीपला धन्यवाद दिले.