सोलापूरमध्ये फसवणुकीची घटना; ऊसतोड कामगार पुरवितो म्हणून सव्वादहा लाखांची फसवणूक

                                 सोलापूरमध्ये शेतकऱ्याची मोठी फसवणूक;

सोलापूर- ऊसतोड कामगार पुरवितो म्हणून सव्वादहा लाखांची फसवणूक करणाऱ्याविरुद्ध करकंब पोलीस ठाण्यात गुन्हा दाखल करण्यात आला आहे. याबाबत शहाजी जगन्नाथ पाटील (वय ५०, रा. पेहे, ता. पंढरपूर) यांनी दिलेल्या फिर्यादीवरून कृष्णा दत्तू सावरा (रा. पळस, पाडापोस्त, पोसेरा, ता.मोखाडा, जि. पालघर) याच्याविरुद्ध गुन्हा दाखल करण्यात आला आहे.

शहाजी पाटील हे ऊस उत्पादक असून त्यांना ऊसतोडीसाठी मजुरांची गरज होती. त्यामुळे पाटील यांनी कृष्ण सावरा याच्याशी १६ मार्च २०२५ रोजी करार केला होता. सावरा याने ३६ ऊसतोड कामगार पुरवितो म्हणून पाटील यांच्याकडून १० लाख २४ हजार रुपये घेतले होते. पैसे घेऊनही सावरा याने कामगार न पुरविता फसवणूक केली.