धारवाडमध्ये एकाच कुटुंबातील चौघांची आत्महत्या

प्रतिनिधी/ बेंगळूर

एकाच कुटुंबातील चौघांनी विहिरीत उडी घेऊन जीवनयात्रा संपविली. ही हृदयद्रावक घटना धारवाड जिल्ह्याच्या चिक्कमल्लिगवाड येथे शुक्रवारी उघडकीस आली. आर्थिक विवेचनेतून चौघांनी आत्महत्या केल्याचे समजते.

नारायण शिंदे (वय 42), वडील विठ्ठलराव शिंदे (वय 85), मुले शिवराज (वय 12) आणि श्रीनिधी (वय 10) अशी आत्महत्या केलेल्या दुर्दैवींची नावे आहेत. कौटुंबिक समस्येतून त्यांनी हे कृत्य केल्याचा अंदाज आहे. घटनास्थळी धारवाड ग्रामीण पोलिसांनी भेट देऊन पाहणी केली. चिक्कमल्लिगवाड गावाबाहेर असलेल्या जुन्या विहिरीत चौघांनी आत्महत्या केली. विहिरीच्या काठावर पादत्राणे आढळून आल्यानंतर हा प्रकार उघडकीस आला. आत्महत्येचे नेमके कारण अद्याप उलगडलेले नाही.