कोलगावचे माजी सरपंच बाबुराव राऊळ यांचे निधन

ओटवणे । प्रतिनिधी

कोलगावचे माजी सरपंच तथा श्री देव कलेश्वर देवस्थान कमिटीचे माजी अध्यक्ष बाबुराव उर्फ बाबा कृष्णा राऊळ (६८) यांचे गुरुवारी सकाळी अल्पशा आजाराने निधन झाले आहे. गेले वर्षभर ते आजारी होते. घरीच त्याच्यावर उपचार सुरु होते. सकाळी त्यांची प्राणज्योत मालवली. संध्याकाळी ६ वाजता त्यांच्यावर अंत्यसंस्कार करण्यात येणार आहेत. कोलगावच्या विकासासह धार्मिक व सामाजिक क्षेत्रात त्यांनी महत्त्वपूर्ण योगदान दिले. त्यांच्या पश्चात मुलगी, दोन भाऊ, भावजय, पुतणे, जावई, नातवंडे असा परिवार आहे.