विदेशी चलन साठ्यात तिसऱ्यांदा वाढ

वृत्तसंस्था/ नवी दिल्ली

विदेशी चलन साठा सलग तिसऱ्या आठवड्यामध्ये वाढलेला दिसून आला आहे. सध्याला हा विदेशी चलन साठा 620.44 अब्ज डॉलर्सवर पोहोचला आहे. मागच्या आठवड्यामध्ये विदेशी चलन साठा 4.47 अब्ज डॉलरने वाढला आहे. भारतीय रिझर्व्ह बँकेने या संदर्भातली माहिती नुकतीच दिली आहे. यायोगे विदेशी चलन साठा 620.441 अब्ज डॉलरवर पोहोचला आहे. 21 महिन्यानंतर विदेशी चलन साठ्याने सर्वोच्च पातळी गाठली आहे. गेल्या तीन आठवड्यामध्ये सलगपणे विदेशी चलन साठा वाढला असल्याची बाबही समोर आली आहे. 22 डिसेंबरला संपलेल्या आठवड्यामध्ये 4.471 अब्ज डॉलर इतकी चलन साठ्यामध्ये वाढ झाली. यायोगे त्या आठवड्यात विदेशी चलन 620.441 अब्ज डॉलरवर पोहोचला होता. या आधीच्या आठवड्यामध्ये विदेशी चलन साठा 9.112 अब्ज डॉलर्सने वाढून 615.971 अब्ज डॉलर्सवर पोहोचला. यापूर्वी 2021 मध्ये विदेशी चलन साठा 645 अब्ज डॉलर्स इतक्या विक्रमी स्तरावरती पोहोचला होता.