हिमाचल प्रदेशला फॉलोऑन

वृत्तसंस्था / धर्मशाला

रणजी करंडक क्रिकेट स्पर्धेतील येथे ब गटातील सुरू असलेल्या सामन्यात शनिवारी खेळाच्या दुसऱ्या दिवशी राजस्थानकडून हिमाचल प्रदेशला फॉलोऑन स्वीकारावा लागला. या सामन्यात राजस्थानच्या वेगवान गोलंदाज दीपक चहरने  30 धावांत 5 गडी बाद केले.

या सामन्यात राजस्थानने पहिल्या डावात 334 धावा जमविल्या. महिपाल लोमरोरने 99 धावांचे योगदान दिले. त्यानंतर हिमाचल प्रदेशचा पहिला डाव 98 धावांत आटोपला. ऋषी धवनने नाबाद 40 धावा केल्या. राजस्थानच्या दीपक चहरने भेदक गोलंदाजी केली. हिमाचल प्रदेशने फॉलोऑन स्वीकारल्यानंतर दुसऱ्या डावात 2 बाद 147 धावा जमविल्या. अरोराने 59 धावा केल्या. मानव सुतारने 40 धावांत 2 गडी बाद केले. हिमाचलप्रदेशचा संघ अद्याप 89 धावांनी पिछाडीवर आहे.

संक्षिप्त धावफलक: राजस्थान प. डाव 334, हिमाचलप्रदेश प. डाव 98, हिमाचलप्रदेश दु. डाव 2 बाद 147