.प्रथमच एसआयपी गुंतवणूक 26 हजार कोटींवर

डिसेंबरमध्ये म्युच्युअल फंड फोलियोमध्ये विक्रमी 22.5 कोटींचा टप्पा पार

वृत्तसंस्था / मुंबई

सिस्टीमॅटिक इन्व्हेस्टमेंट प्लॅन म्हणजेच एसआयपी यांच्याद्वारे म्युच्युअल फंडांमध्ये होणारी सततची गुंतवणूक वाढतच आहे. गेल्या डिसेंबरमध्ये, पहिल्यांदाच मासिक एसआयपीने 26 हजार कोटी रुपयांचा टप्पा ओलांडला. डिसेंबर 2023 मध्ये 17,610 कोटी रुपये, जो गेल्या महिन्यात 50.25 टक्क्यांनी वाढून 26,459 कोटी रुपये झाला. दरम्यान म्युच्युअल फंड फोलिओही विक्रमाची नोंद करत तो 22.50 कोटी रुपयांपर्यंत पोहोचला आहे. गेल्या महिन्यात इक्विटी योजनांमध्ये निव्वळ गुंतवणूक (निव्वळ पैसे काढण्याचे प्रमाण) 41,156 कोटी रुपये होती. ही वर्षाच्या आधारावर 142 टक्के आणि नोव्हेंबरच्या तुलनेत 14.5 टक्के जास्त आहे. क्षेत्रीय/थीमॅटिक योजनांमध्ये 15,332 कोटी रुपयांची सर्वाधिक निव्वळ गुंतवणूक झाली. दुसरीकडे, कर्ज निधीतून 1.27 लाख कोटी रुपयांचा निव्वळ आउटफ्लो झाला आहे.

यामुळे, म्युच्युअल फंड हाऊसेसमधून व्यवस्थापनाखालील निधी नोव्हेंबरच्या तुलनेत 80,355 कोटींनी घसरून 67 लाख कोटींपेक्षा कमी झाला. नोव्हेंबर 2024 मध्ये हा विक्रम 68.08 लाख कोटी होता. 10 वर्षांत, म्युच्युअल फंड उद्योगाचा एयूएम 6 पटीने वाढला आहे. डिसेंबर 2014 मध्ये एयूएम 10.51 लाख कोटी होता, जो डिसेंबर 2024 मध्ये 537 टक्क्यांनी वाढला.

केवळ इक्विटी योजनांमधून एकूण एयूएममध्ये 46 टक्के हिस्सा

डिसेंबरमध्ये इक्विटी योजनांचा एयूएम 30.58 लाख कोटी रुपयांवर पोहोचला. हा उद्योगाच्या एकूण एयूएमच्या 45 टक्के आहे. गेल्या महिन्यात बाँड आधारित निधीचा  एयूएम  15.67 लाख कोटी रुपये होता. हा एकूण  एयूएमच्या 23 टक्के आहे. वर्षाच्या आधारावर म्युच्युअल फंड फोलिओची संख्या 36.5 टक्क्यांनी वाढली. यापैकी 70 टक्के फोलिओ इक्विटी योजनांमध्ये आहे.

कंपन्यांनी विक्रमी 11 लाख कोटी उभारले

2024 मध्ये, कंपन्यांनी कर्जाद्वारे (जसे की बाँड्स) उभारलेली रक्कम 11.05 लाख कोटी रुपयांच्या विक्रमी पातळीवर पोहोचली. 10.94 लाख कोटी रुपये कर्जाच्या खासगी प्लेसमेंटमधून आले.